Begin typing your search above and press return to search.
exit_to_app
exit_to_app
Posted On
date_range 8 Dec 2020 12:01 AM GMT Updated On
date_range 8 Dec 2020 12:01 AM GMTകാഴ്ചപരിമിതര്ക്കും ശാരീരിക അവശതയുള്ളവര്ക്കും വോട്ട് ചെയ്യാന് സഹായി
text_fieldsbookmark_border
കാസർകോട്: കാഴ്ചപരിമിതിയും ശാരീരിക അവശതയുമുള്ള സമ്മതിദായകര്ക്ക് വോട്ടുയന്ത്രത്തിലെ ചിഹ്നം തിരിച്ചറിഞ്ഞോ ബട്ടണ് അമര്ത്തിയോ ബാലറ്റ് ബട്ടനോട് ചേര്ന്ന ബ്രയില് ലിപി സ്പര്ശിച്ചോ സ്വയം വോട്ട് ചെയ്യാന് കഴിയില്ലെന്ന് പ്രിസൈഡിങ് ഓഫിസര്ക്ക് ബോധ്യപ്പെട്ടാല് സഹായിയെ അനുവദിക്കുമെന്ന് സംസ്ഥാന തെരഞ്ഞെടുപ്പ് കമീഷണര് വി. ഭാസ്കരന് അറിയിച്ചു. വോട്ട് ചെയ്യുന്നതിന് വോട്ടര് നിർദേശിക്കുന്ന സഹായിയെയാണ് അനുവദിക്കുക. ഇയാള്ക്ക് 18 വയസ്സ് പൂര്ത്തിയായിരിക്കണം. പ്രത്യക്ഷത്തില് കാഴ്ചക്ക് തകാരാറുള്ള സമ്മതിദായകരോട് വോട്ടിങ് യന്ത്രത്തിലെ ചിഹ്നങ്ങള് വേര്തിരിച്ച് അറിഞ്ഞോ ബ്രയില് ലിപി സ്പര്ശിച്ചോ വോട്ട് ചെയ്യാന് കഴിയുമോ എന്ന് ചോദിച്ചറിഞ്ഞ ശേഷമായിരിക്കും സഹായിയെ അനുവദിക്കുക. സ്ഥാനാർഥിയെയോ പോളിങ് ഏജൻറിനെയോ സഹായിയായി അനുവദിക്കില്ല. പ്രിസൈഡിങ് ഓഫിസറോ മറ്റേതെങ്കിലും പോളിങ് ഓഫിസറോ വോട്ട് രേഖപ്പെടുത്തുന്ന സ്ഥലത്തേക്ക് പോകാന് പാടില്ല. സമ്മതിദായകന് വേണ്ടി രേഖപ്പെടുത്തിയ വോട്ടിൻെറ രഹസ്യ സ്വഭാവം കാത്തുസൂക്ഷിച്ചുകൊള്ളാമെന്നും അന്നേ ദിവസം ഏതെങ്കിലും പോളിങ് സ്റ്റേഷനില് മറ്റേതെങ്കിലും സമ്മതിദായകൻെറ സഹായിയായി പ്രവര്ത്തിച്ചിട്ടില്ലെന്നും രേഖപ്പെടുത്തിയ പ്രഖ്യാപനം സഹായി നിർദിഷ്ട ഫോറത്തില് നല്കണം. ശാരീരിക അവശതയുള്ളവരെ ക്യൂവില് നിര്ത്താതെ പോളിങ് സ്റ്റേഷനുകളിലേക്ക് പ്രവേശിപ്പിക്കും. ബൂത്തുകളില് കോവിഡ് മാനദണ്ഡങ്ങള് കര്ശനമായി പാലിക്കണം കാസർകോട്: പോളിങ് ബൂത്തുകളില് കോവിഡ് മാനദണ്ഡങ്ങള് കര്ശനമായി പാലിക്കണമെന്ന് സംസ്ഥാന തെരഞ്ഞെടുപ്പ് കമീഷണര് വി. ഭാസ്കരന് അറിയിച്ചു. പോളിങ് സ്റ്റേഷനുകള് വോട്ടെടുപ്പിൻെറ തലേന്ന് അണുമുക്തമാക്കും. ബൂത്തിന് പുറത്ത് വെള്ളം, സോപ്പ് എന്നിവയും ബൂത്തിനകത്ത് സാനിറ്റൈസറും നിര്ബന്ധമായും ഉപയോഗിക്കണം. ബൂത്തിലേക്ക് പ്രവേശിക്കുമ്പോഴും പുറത്തേക്ക് പോകുമ്പോഴും പോളിങ് അസിസ്റ്റൻറുമാരാണ് സാനിറ്റൈസര് വിതരണം ചെയ്യുക. പോളിങ് ഉദ്യോഗസ്ഥര് ഫെയ്സ് ഷീല്ഡ്, മാസ്ക്, സാനിറ്റൈസര്, കൈയുറ എന്നിവ ധരിക്കും. ഭിന്നശേഷിക്കാര്, രോഗബാധിതര്, 70 വയസ്സിന് മുകളിലുള്ള മുതിര്ന്ന പൗരന്മാര് എന്നിവര്ക്ക് ക്യൂ നില്ക്കാതെ വോട്ട് ചെയ്യാം. ബൂത്തിനകത്ത് ഒരേ സമയം മൂന്ന് വോട്ടര്മാര്ക്ക് മാത്രമാണ് പ്രവേശനം. ബൂത്തില് പ്രവേശിക്കുമ്പോള് തിരിച്ചറിയല് രേഖ കാണിച്ച് ബോധ്യപ്പെടുത്തണം. വോട്ടര്മാര് മാസ്ക് നിര്ബന്ധമായും ധരിച്ചിരിക്കണം. തിരിച്ചറിയല് വേളയില് മാത്രം ആവശ്യമെങ്കില് മാസ്ക് മാറ്റണം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story