പ്രചാരണ ബോർഡ് നശിപ്പിച്ചതിൽ പ്രതിഷേധിച്ചു

കാഞ്ഞങ്ങാട്: നഗരസഭയിലേക്ക് മത്സരിക്കുന്ന മൂന്നാം വാർഡ് എൻ.ഡി.എ സ്​ഥാനാർഥി സവിതയുടെ പ്രചാരണ ബോർഡുകൾ നശിപ്പിച്ചതിൽ ബി.ജെ.പി മുനിസിപ്പൽ കമ്മിറ്റി പ്രതിഷേധിച്ചു. തെരഞ്ഞെടുപ്പ് വിളറിപൂണ്ട് സാമൂഹിക ദ്രോഹികൾ വ്യാപകമായി പോസ്​റ്ററുകൾ നശിപ്പിക്കുന്നതും അക്രമത്തിന് ആസൂത്രണം നടത്തുന്നതും മുനിസിപ്പൽ കമ്മിറ്റിയുടെ ശ്രദ്ധയിൽ പെട്ടിട്ടുണ്ടെന്നും പ്രതിഷേധ കുറിപ്പിൽ അറിയിച്ചു. തോൽവി മുന്നിൽ കണ്ടുള്ള ഇത്തരത്തിലുള്ള പ്രകോപനങ്ങളിൽ വീഴാതെ എൻ.ഡി.എ പ്രവർത്തകർ അച്ചടക്കത്തോടെ വാർഡ് പ്രവർത്തനങ്ങൾ നടത്തി സ്​ഥാനാർഥികളെ വിജയിപ്പിക്കണമെന്നും ബി.ജെ.പി മുനിസിപ്പൽ കമ്മിറ്റി ആഹ്വാനം ചെയ്തു.