ടിപ്പർ ലോറി അനിശ്ചിതകാല സമരം തുടങ്ങി

നീലേശ്വരം: ജില്ലയിൽ ടിപ്പർ ലോറി മേഖലയിൽ ജീവിക്കുന്ന കുടുംബങ്ങളെ ആത്മഹത്യയിലേക്ക് തള്ളിവിടുന്ന ഉദ്യോഗസ്​ഥ പരിശോധനക്കെതിരെ അനിശ്ചിതകാല സമരം ആരംഭിച്ചു. സമരത്തിന് വിളംബരം അറിയിച്ചുകൊണ്ട് ടിപ്പർ ലോറി റാലി നടത്തി. പടന്നക്കാട് നിന്ന് ആരംഭിച്ച് ചോയ്യങ്കോട് ബസാറിൽ സമാപിച്ചു. ഹോസ്ദുർഗ്, വെള്ളരിക്കുണ്ട് എന്നീ താലൂക്കിലെ ടിപ്പർ ഓണേഴ്സ് ആൻഡ്​​ വർക്കേഴ്സ് യൂനിയ​ൻെറ നേതൃത്വത്തിലാണ് സമരം നടക്കുന്നത്. റവന്യൂ വകുപ്പ്, ജിയോളജി, ആർ.ടി.ഒ, പൊലീസ് എന്നിവർ ടിപ്പർ മേഖലയിൽ നിയമംമൂലം പ്രവർത്തിക്കുന്ന ലോറികളും എക്​സ്​കവേറ്ററും അനാവശ്യമായി പിടിച്ചെടുക്കുകയാണ്. നിയമപരമായി പെർമിറ്റുള്ള മണ്ണ് വണ്ടിയിൽ കൊണ്ടുപോകു​േമ്പാൾ ഇത്തരം ഉദ്യോഗസ്​ഥർ പിന്തുടർന്ന് വേട്ടയാടിക്കൊണ്ടിരിക്കുകയാണ്. എന്നാൽ സ്​ഥലത്തി​ൻെറ പെർമിറ്റ് ഉടമക്ക് സ്​റ്റോപ്പ് മെമ്മോ കൊടുക്കുകയോ അതി​ൻെറ നിയമനടപടികൾ എടുക്കാതെയും വണ്ടി പിടിച്ച് കസ്​റ്റഡിയിലെടുക്കുകയും മാസങ്ങളോളം ഉദ്യോഗസ്​ഥരുടെ കസ്​റ്റഡിയിൽ പിടിച്ചിടുകയാണ്. നിർമാണ മേഖലക്കാവശ്യമായ ചെങ്കല്ല്, ജില്ലി, മണ്ണ് തുടങ്ങിയ ഖനനവസ്തുക്കൾ നിയമപ്രകാരം കൊണ്ടുപോകുമ്പോൾ വഴിയിൽ തടഞ്ഞു​െവച്ച് ഉദ്യോഗസ്​ഥർ നിരന്തരം ഉപദ്രവിക്കുകയാണ്. നീലേശ്വരം - വെള്ളരിക്കുണ്ട് ഏരിയ കമ്മിറ്റി ഭാരവാഹികളായ കെ.സി. രാജൻ, പി.വി. രജിത് കുമാർ, പി.വി. അനിൽകുമാർ, കെ. രാധാകൃഷ്ണൻ എന്നിവർ ലോറി റാലിക്ക് നേതൃത്വം നൽകി.