എയ്ഡഡ് ഹയർ സെക്കൻഡറി അധ്യാപകർക്ക് ശമ്പളം വൈകിക്കുന്നു-എ.എച്ച്.എസ്.ടി.എ

കാസർകോട്​: മേഖല െഡപ്യൂട്ടി ഡയറക്ടറുടെ മേലൊപ്പ് ഇല്ലെന്ന കാരണം പറഞ്ഞ് സംസ്ഥാനത്തെ ഭൂരിഭാഗം ട്രഷറികളും എയ്ഡഡ് ഹയർ സെക്കൻഡറി അധ്യാപകരുടെ സെപ്​റ്റംബർ മാസത്തെ ശമ്പളം നിഷേധിച്ചതായി ഹയർ സെക്കൻഡറി ടീച്ചേഴ്സ് അസോസിയേഷൻ. ഓഫിസുകളിൽ ജീവനക്കാർ കുറവായ സാഹചര്യത്തിൽ പ്രിൻസിപ്പൽമാർ സ്പാർക്കിൽനിന്ന്​ തയാറാക്കുന്ന ശമ്പള ബില്ലുകൾ മേഖല െഡപ്യൂട്ടി ഡയറക്ടറുടെ മേലൊപ്പില്ലാതെ ട്രഷറിയിൽ നേരിട്ട് മാറിയിരുന്നു. ഇതുസംബന്ധിച്ച ധനകാര്യ വകുപ്പി​ൻെറ ഉത്തരവിന് കഴിഞ്ഞ മാസം വരെ മാത്രമേ പ്രാബല്യമുള്ളൂ എന്നറിഞ്ഞിട്ടും ഇതിനായുള്ള തയാറെടുപ്പ് ഹയർ സെക്കൻഡറി ഡയറക്ടറേറ്റ് ബോധപൂർവം വൈകിക്കുകയായിരുന്നു. ഹൈസ്കൂൾ തലം വരെയുള്ള പ്രധാനാധ്യാപകനെ സെൽഫ് േഡ്രായിങ്​ ഓഫിസർമാരാക്കി മാറ്റിയിട്ട് വർഷങ്ങൾ കഴിഞ്ഞിട്ടും എയ്​ഡഡ് ഹയർ സെക്കൻഡറി പ്രിൻസിപ്പൽമാരെ സെൽഫ് േഡ്രായിങ്​ ഓഫിസർമാരാക്കി മാറ്റാനുള്ള നടപടികൾ വിദ്യാഭ്യാസ വകുപ്പി​ൻെറ ഭാഗത്ത് നിന്നുണ്ടാകുന്നില്ല. മേഖല െഡപ്യൂട്ടി ഡയറക്ടർ ഓഫിസ്​ തലത്തിൽ അദാലത്ത് നടത്തി സ്കൂൾ വിവരങ്ങൾ സ്പാർക്കിൽ ലോക്ക് ചെയ്യണമെന്ന്​ അസോസിയേഷൻ ആവശ്യപ്പെട്ടിരുന്നു. അടിയന്തരമായി ഈ പ്രശ്നം പരിഹരിക്കണമെന്ന് അസോസിയേഷൻ സംസ്ഥാന സെക്രട്ടറി ജിജി തോമസ് ആവശ്യപ്പെട്ടു.