നന്മ ബാലയരങ്ങ് ഓൺലൈൻ കലോത്സവം

നീലേശ്വരം: വിദ്യാലയങ്ങൾ തുറക്കാത്തതിനാൽ കുട്ടികൾക്ക് മാനസിക സമ്മർദങ്ങളിൽനിന്ന് മുക്തിനേടാനും സർഗവാസനകൾ പ്രോത്സാഹിപ്പിക്കാനും കലാകാരന്മാരുടെ സംഘടനയായ നന്മ വേദിയൊരുക്കുന്നു. ബാലയരങ്ങി​ൻെറ നേതൃത്വത്തിൽ കുട്ടികളുടെ ഓൺലൈൻ കലോത്സവം സംസ്ഥാനാടിസ്ഥാനത്തിൽ സംഘടിപ്പിക്കും. ഇതി​ൻെറ മുന്നോടിയായുള്ള മേഖല- ജില്ലതല മത്സരങ്ങൾ നവംബർ ഒന്നിന് നടക്കും. ഒന്നിന് ജില്ലയിലെ ഉദുമ, കാഞ്ഞങ്ങാട്, നീലേശ്വരം, ചെറുവത്തൂർ, തൃക്കരിപ്പൂർ എന്നീ അഞ്ച് മേഖലതലങ്ങളിലും 15ന് ജില്ലതലത്തിലും മത്സരം നടക്കും. സി.ബി.എസ്​.ഇ, ഐ.സി.എസ്.ഇ, സെൻട്രൽ വിഭാഗത്തിലെ എൽ.പി, യു.പി, ഹൈസ്​കൂൾ, എച്ച്.എസ്.എസ് വിദ്യാർത്ഥികൾക്കായാണ് മത്സരം. സ്കൂൾ കലോത്സവ മാന്വൽ പ്രകാരം ഗ്രൂപ് ഇനങ്ങളെ ഒഴിവാക്കി വ്യക്തിഗത ഇനങ്ങൾക്ക്​ മാത്രമായാണ് മത്സരം. ഒരു കുട്ടിക്ക് മൂന്ന്​ വ്യക്തിഗത ഇനങ്ങളിൽ മത്സരിക്കാം. എൽ.പി വിഭാഗം മേഖലതലം വരെയും യു.പി വിഭാഗം ജില്ലതലം വരെയും എച്ച്.എസ്, എച്ച്.എസ്.എസ് വിഭാഗം സംസ്ഥാനതലം വരെയുമാണ് മത്സരം. പങ്കെടുക്കാൻ ആഗ്രഹിക്കുന്നവർ ഒക്​ടോബർ 20നകം പേര്​ രജിസ്​റ്റർ ചെയ്യണം. വിശദ വിവരങ്ങൾക്ക്: 9947046286, 9446834924, 9946723060.