തലിച്ചാലം കോളനിയിൽ സാനിറ്റൈസർ വിതരണം

തൃക്കരിപ്പൂർ: കോവിഡ് പ്രതിരോധപ്രവർത്തന ഭാഗമായി ഭവനസന്ദർശനവും സാനിറ്റൈസർ വിതരണവുമായി തലിച്ചാലം കോളനിയിൽ ആരോഗ്യപ്രവർത്തകർ. പത്താം വാർഡിലെ കോളനിയിലുൾപ്പെടുന്ന 19 കുടുംബങ്ങളിലുമെത്തിയാണ് ബോധവത്കരണ പ്രവർത്തനങ്ങൾ നടത്തിയത്. ഇവിടെ ഒരാൾക്ക് കഴിഞ്ഞ ദിവസം കോവിഡ് സ്ഥിരീകരിച്ചിരുന്നു. വീടുകളിലെ കുടുംബാംഗങ്ങളുമായി കാര്യങ്ങൾ ബോധ്യപ്പെടുത്തി സാനിറ്റൈസർ വിതരണം ചെയ്തശേഷം വീടുകളിൽ സ്​റ്റിക്കർ പതിച്ചു. പഞ്ചായത്ത് അംഗം ടി.വി. വിനോദ്കുമാർ, ജൂനിയർ ഹെൽത്ത്‌ ഇൻസ്‌പെക്ടർ പി.എം. തോമസ് എന്നിവരുടെ നേതൃത്വത്തിലുള്ള സംഘത്തിൽ സിവിൽ ഡിഫൻസ് വളൻറിയർ കെ. സുനിൽകുമാർ, ആശ വർക്കർ എം. ജലജ എന്നിവരും പങ്കെടുത്തു. പടം tkp sanitizer ഇളമ്പച്ചി തലിച്ചാലം കോളനിയിൽ ഭവനസന്ദർശന ഭാഗമായി ആരോഗ്യപ്രവർത്തകർ സാനിറ്റൈസർ നൽകുന്നു