നീലേശ്വരത്തെ കോൺഗ്രസ് നേതാക്കൾ നിരീക്ഷണത്തിൽ

നീലേശ്വരം: തൃക്കരിപ്പൂർ മണ്ഡലം യൂത്ത് കോൺഗ്രസ് പ്രവർത്തകർ നീലേശ്വരം പൊലീസ് സ്​റ്റേഷനിലേക്ക്​ നടത്തിയ മാർച്ചിൽ പങ്കെടുത്തവർ കൂട്ടത്തോടെ നിരീക്ഷണത്തിൽ പോയി. മാർച്ചിൽ പങ്കെടുത്ത നീലേശ്വരം ബ്ലോക്ക് കോൺഗ്രസ് പ്രസിഡൻറ്​ മഡിയൻ ഉണ്ണികൃഷ്ണന് കോവിഡ് സ്​ഥിരീകരിച്ച സാഹചര്യത്തിലാണ് നേതാക്കൾ ഉൾപ്പെടെയുള്ള 55ഓളം പേർ ക്വാറൻറീനിലായത്. ഡി.സി.സി വൈസ് പ്രസിഡൻറ്​ പി.കെ. ഫൈസൽ, യൂത്ത് കോൺഗ്രസ് ജില്ല ജനറൽ സെക്രട്ടറി സത്യനാഥൻ അച്ചാംതുരുത്തി, കോൺഗ്രസ് മണ്ഡലം പ്രസിഡൻറ്​ പി. രാമചന്ദ്രൻ, ഡി.സി.സി ജനറൽ സെക്രട്ടറി കെ.വി. സുധാകരൻ, നഗരസഭ കൗൺസിലർ കെ.വി. ശശികുമാർ, ഷോബി കെ. തോമസ്, രാജേഷ് തമ്പാൻ, ഷുഹൈബ് തൃക്കരിപ്പൂർ, നവനീത് ചന്ദ്രൻ, ഇ. ഷജീർ, സജീഷ് കൈതക്കാട്, ശിവൻ അരവത്ത്, സോജു തൃക്കരിപ്പൂർ എന്നിവരുൾപ്പെടെയുള്ളവരാണ് ക്വാറൻറീനിൽ പോയത്.