സാമൂഹികാഘാത പഠനം

ഭൂമി വിട്ടുനൽകേണ്ടി വരുന്നവരുടെ യോഗം നീലേശ്വരം: നീലേശ്വരം-ഇടത്തോട് റോഡ് വികസനത്തി​ൻെറ ഭാഗമായി ഭൂമി വിട്ടുനൽകേണ്ടി വരുന്നവരുടെ യോഗം പേരോൽ ജി.എൽ.പി സ്കൂളിൽ നടന്നു. നഗരസഭയിൽ റെയിൽവേ മേൽപാലത്തി​ൻെറ കിഴക്കുവശം മുതൽ താലൂക്ക് ആശുപത്രി വരെയുള്ള 1.3 കിലോമീറ്റർ റോഡ് 15 മീറ്റർ വീതിയിൽ വികസിപ്പിക്കുന്നതിന് വേണ്ടിയാണ്​ ഭൂമിയേറ്റെടുക്കുന്നത്​. സാമൂഹിക ആഘാത പഠനത്തിനുവേണ്ടിയാണ് യോഗം. തിരുവനന്തപുരം സൻെറർ ഫോർ മാനേജ്മൻെറ് ​െഡവലപ്​മൻെറാണ് സംബന്ധിച്ച ഹിയറിങ് നടത്തുന്നത്. രാവിലെ മുതൽ വൈകീട്ട്​ വരെ നടന്ന ഹിയറിങ്ങിൽ ഇതുമായി ബന്ധപ്പെട്ട ഭൂവുടമകൾ നേരിട്ട് ഹാജരായി അവരുടെ അഭിപ്രായങ്ങളും നിർദേശങ്ങളും സമർപ്പിച്ചു. ഉടൻതന്നെ പഠന റിപ്പോർട്ട് ജില്ല കലക്ടർക്ക് സമർപ്പിക്കും. യോഗം നഗരസഭ ചെയർമാൻ പ്രഫ. കെ.പി. ജയരാജൻ ഉദ്​ഘാടനം ചെയ്തു. നഗരസഭ കൗൺസിലർ സി.സി. കുഞ്ഞിക്കണ്ണൻ അധ്യക്ഷത വഹിച്ചു. നഗരസഭ കൗൺസിലർ പി. ഭാർഗവി, ആക്​ഷൻ കമ്മിറ്റി കൺവീനർ കെ.പി. രവീന്ദ്രൻ, ഭാരവാഹികളായ പി. വിജയകുമാർ, പി. മോഹനൻ, ടോമി ആറ്റുപുറം എന്നിവർ സംസാരിച്ചു.