ദുരിതാശ്വാസ നിധിയിലേക്ക് തുക കൈമാറി

കാസർകോട്: മൾട്ടിലക്​റ്റിങ് എംപ്ലോയീസ് യൂനിയൻ (സി.ഐ.ടി.യു) ജില്ല കമ്മിറ്റി വിവിധ മൾട്ടിലെവൽ മാർക്കറ്റിങ് കമ്പനികളിൽ പ്രവർത്തിക്കുന്ന തൊഴിലാളികളിൽനിന്ന് സ്വരൂപിച്ച ഒരു ലക്ഷത്തിൽപരം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി. സി.ഐ.ടി.യു ജില്ല ജനറൽ സെക്രട്ടറി ടി.കെ. രാജന് യൂനിയൻ ജില്ല സെക്രട്ടറി അബ്ബാസ് അലി തുക കൈമാറി. യൂനിയൻ ജില്ല ഭാരവാഹികളായ പി.സി. ജയചന്ദ്രൻ, മധുസൂദനൻ തുടങ്ങിയവർ പങ്കെടുത്തു.