Begin typing your search above and press return to search.
exit_to_app
exit_to_app
Posted On
date_range 14 July 2020 11:58 PM GMT Updated On
date_range 14 July 2020 11:58 PM GMTയുവമോർച്ച മാർച്ചിൽ സംഘർഷം; ജില്ല ജനറൽ സെക്രട്ടറിക്ക് പരിക്ക്
text_fieldsbookmark_border
കാഞ്ഞങ്ങാട്: സ്വർണക്കടത്ത് കേസിൽ മുഖ്യമന്ത്രിയുടെ രാജി ആവശ്യപ്പെട്ട് യുവമോർച്ച ജില്ല കമ്മിറ്റി കാഞ്ഞങ്ങാട് മിനി സിവിൽ സ്റ്റേഷനിലേക്ക് നടത്തിയ മാർച്ച് സംഘർഷത്തിൽ കലാശിച്ചു. ബാരിക്കേഡുകൾ ഭേദിച്ച് അകത്തേക്ക് കടക്കാൻ ശ്രമിക്കുന്നതിനിടയിൽ ജില്ല ജനറൽ സെക്രട്ടറി വൈശാഖ് കേളോത്തിന് തലക്ക് പരിക്കേറ്റു. പ്രവർത്തകരെ പൊലീസ് അറസ്റ്റ് ചെയ്ത് നീക്കി. ചൊവ്വാഴ്ച ഉച്ചക്ക് 12 മണിയോടെ കോട്ടച്ചേരി കുന്നുമ്മലിൽ നിന്നാണ് അമ്പതോളം പ്രവർത്തകർ പ്രകടനമായി പുതിയകോട്ട മിനി സിവിൽ സ്റ്റേഷനിലേക്ക് എത്തിയത്. കാഞ്ഞങ്ങാട് ഡിവൈ.എസ്.പി വിനോദിൻെറ നേതൃത്വത്തിൽ നൂറോളം പൊലീസും സ്ഥലത്ത് ക്യാമ്പ് ചെയ്തിരുന്നു. സംസ്ഥാന ജനറൽ സെക്രട്ടറി കെ. ഗണേഷ് ഉദ്ഘാടനം ചെയ്തു. ജില്ല പ്രസിഡൻറ് ധനഞ്ജയൻ കുമാർ മധൂർ അധ്യക്ഷത വഹിച്ചു. ജില്ല വൈസ് പ്രസിഡൻറ് ശ്രീജിത്ത് പറക്കളായി, സെക്രട്ടറി സാഗർ ചാത്തമത്ത്, മണ്ഡലം പ്രസിഡൻറുമരായ രാഹുൽ പരപ്പ, ഷിബിൻ ദാസ് തൃക്കരിപ്പൂർ, മഹോഷ്ഗോപാൽ ഉദുമ, ജനറൽ സെക്രട്ടറി ശരത് മരക്കാപ്പ് തുടങ്ങിയവർ പ്രകടനത്തിന് നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story