ദുരിതങ്ങൾക്കിടയിലും സഹായവുമായി പാലിയേറ്റിവ് കെയർ സൊസൈറ്റി

നിർധന കുടുംബങ്ങളിലെ കുട്ടികൾക്ക് പഠനോപകരണങ്ങൾ എത്തിച്ചുനൽകി കാഞ്ഞങ്ങാട്: ദുരിതങ്ങൾക്കിടയിലും കാഞ്ഞങ്ങാട്​ പാലിയേറ്റിവ് കെയർ സൊസൈറ്റി സാന്ത്വനത്തിന് കൈത്താങ്ങായി. നിർധനരായ രോഗികളുടെ കുടുംബങ്ങളിലെ കുട്ടികൾക്ക് പഠനോപകരണങ്ങൾ എത്തിച്ചുനൽകി. കോവിഡ് മാനദണ്ഡങ്ങൾ പാലിച്ച്​ സൊസൈറ്റി ഓഫിസിൽ പഠ​േനാപകരണ വിതരണം ഹോസ്ദുർഗ് തഹസിൽദാർ എൻ. മണിരാജ് നിർവഹിച്ചു. സൊസൈറ്റി പ്രസിഡൻറ്​ ടി. പത്മനാഭൻ അധ്യക്ഷത വഹിച്ചു. കുട്ടികൾക്ക് ആവശ്യമായ ബാഗ്, കുട, നോട്ടുപുസ്തകങ്ങൾ, പേന, പെൻസിൽ തുടങ്ങിയവയാണ് നൽകിയത്. വീടുകളിൽ പുസ്തക വണ്ടിയിലാണ് പഠനോപകരണങ്ങൾ എത്തിച്ചത്. സൊസൈറ്റി രക്ഷാധികാരി ശ്രീകണ്ഠൻ നായർ, ജോയൻറ്​ സെക്രട്ടറി സി. കുഞ്ഞിരാമൻ നായർ എന്നിവർ സംസാരിച്ചു. സൊസൈറ്റി സെക്രട്ടറി കെ.ടി. ജോഷിമോൻ സ്വാഗതവും ട്രഷറർ പി. രവീന്ദ്രൻ നന്ദിയും പറഞ്ഞു. കെ. ഗോകുലാനന്ദൻ, ബി. അജയകുമാർ, ചിന്താമണി, ശശികല, ഷമീമ എന്നിവർ പ്രവർത്തനങ്ങൾക്ക് നേതൃത്വം നൽകി.