സി.പി.എം ഉദുമ ഏരിയ കമ്മിറ്റിയുടെ നാട്ടി ഉത്സവം

ഉദുമ: സംസ്ഥാന സർക്കാറി​ൻെറ സുഭിക്ഷ കേരളം പദ്ധതിയുടെ ഭാഗമായി സി.പി.എം ഉദുമ ഏരിയ കമ്മിറ്റിയുടെ നേതൃത്വത്തിൽ മപ്പിലങ്ങാട് വയലിൽ നാട്ടി ഉത്സവം സംഘടിപ്പിച്ചു. തരിശ്​ കിടന്ന അഞ്ചേക്കർ സ്ഥലത്താണ് നെൽകൃഷി നടത്തിയത്. സി.പി.എം കേന്ദ്രകമ്മിറ്റി അംഗം പി. കരുണാകരൻ ഉദ്ഘാടനം ചെയ്തു. കുന്നൂച്ചി കുഞ്ഞിരാമൻ അധ്യക്ഷത വഹിച്ചു. പാർട്ടി ഏരിയ സെക്രട്ടറി കെ. മണികണ്ഠൻ, ഏരിയ കമ്മിറ്റി അംഗങ്ങളായ പി. മണിമോഹനൻ, കെ. കുമാരൻ, എം. ഗൗരി, വി. ഗീത, കെ. വി. ഭാസ്കരൻ, എ.വി. ശിവപ്രസാദ്, ബാലൻ കുതിരക്കോട്, വി.വി. സുകുമാരൻ, രാഘവൻ വെളുത്തോള്ളി, ഗ്രാമപഞ്ചായത്ത് അംഗങ്ങളായ വിനോദ് പനയാൽ, പി. ലക്ഷ്മി എന്നിവർ സംബന്ധിച്ചു. അജയൻ പനയാൽ സ്വാഗതം പറഞ്ഞു.