heading ആശ്വാസത്തി​െൻറ പ്രാണവായു

heading ആശ്വാസത്തി​ൻെറ പ്രാണവായു blurb തലശ്ശേരി ആശുപത്രിയിൽ ഓക്സിജന്‍ പ്ലാൻറ്​ പൂർണതോതിൽ പ്രവര്‍ത്തനം തുടങ്ങികണ്ണൂർ: കോവിഡ് തീവ്രവ്യാപനത്തിനൊപ്പം ഓക്​സിജൻ പ്രതിസന്ധി കൂടി നേരിടുന്ന സാഹചര്യത്തിൽ ആശ്വാസമായി തലശ്ശേരി ജനറൽ ആശുപത്രിയിലെ ഓക്സിജന്‍ പ്ലാൻറ്​ പൂര്‍ണതോതില്‍ പ്രവര്‍ത്തനം തുടങ്ങി. രോഗവ്യാപനം രൂക്ഷമായിരിക്കെ ഗുരുതര രോഗികളുടെ ചികിത്സക്ക്​ അനിവാര്യമായ ഓക്സിജ​ൻെറ ലഭ്യത തലശ്ശേരി ജനറല്‍ ആശുപത്രിയില്‍ ഇനി ഒരു പ്രശ്നമാകില്ല. കഴിഞ്ഞ വര്‍ഷം കോവിഡ് വ്യാപനത്തി​ൻെറ ഒന്നാം തരംഗവേളയിലാണ് ജനറല്‍ ആശുപത്രിയില്‍ ഓക്സിജന്‍ പ്ലാൻറ്​ സ്ഥാപിക്കുന്നത്. ആദ്യ ഘട്ടത്തില്‍ ഐ.സി.യുവില്‍ മാത്രമായിരുന്നു ഓകസിജന്‍ നേരിട്ട് എത്തിച്ചിരുന്നത്. എന്നാല്‍, കോവിഡ് വ്യാപനത്തി​ൻെറ രണ്ടാം തരംഗത്തില്‍ ഗുരുതര രോഗികളുടെ എണ്ണം വലിയതോതില്‍ വര്‍ധിച്ചുവന്നതോടെ പ്ലാൻറ്​ പൂര്‍ണതോതില്‍ പ്രവര്‍ത്തനക്ഷമമാക്കുകയായിരുന്നു. ആശുപത്രി വാര്‍ഡുകളിലെ എല്ലാ കിടക്കകളിലും ഓക്സിജന്‍ നേരിട്ട് എത്തിക്കുന്നതിനുള്ള സംവിധാനങ്ങളാണ് ഇപ്പോള്‍ ഒരുക്കിയിരിക്കുന്നത്.നിലവില്‍ വാര്‍ഡിലെ 250 കിടക്കകള്‍ക്ക് നേരിട്ട് പൈപ്പുകള്‍ വഴി ഓക്‌സിജന്‍ ലഭ്യമാക്കുന്നുണ്ട്. മിനിറ്റിൽ 200 ലിറ്റര്‍ ആണ്​ (എല്‍.പി.എം) ഓക്സിജന്‍ പ്ലാൻറി​ൻെറ ഉൽപാദനശേഷി. അന്തരീക്ഷത്തില്‍നിന്ന് ശേഖരിച്ച് സംസ്‌കരിച്ചശേഷം 98 ശതമാനം ശുദ്ധമായ ഓക്സിജനാണ് പ്ലാൻറില്‍നിന്ന് വിതരണം ചെയ്യുന്നത്. നിലവില്‍ മുപ്പതോളം കോവിഡ് രോഗികള്‍ക്ക് ഇവിടെ നിന്നും ഓക്സിജന്‍ നല്‍കിവരുന്നുണ്ട്.കഴിഞ്ഞ വര്‍ഷം കോവിഡ് വ്യാപനത്തി​ൻെറ തുടക്കത്തിലാണ് ജനറല്‍ ആശുപത്രിയില്‍ ഓക്സിജന്‍ പ്ലാൻറ്​ എന്ന ആശയം ഉയര്‍ന്നുവന്നത്. കോവിഡ് ചികിത്സക്കായി ഓക്സിജന്‍ ആവശ്യമായിവരുന്ന സാഹചര്യം മുന്നില്‍ കണ്ട് അഡ്വ. എ.എന്‍. ഷംസീര്‍ എം.എല്‍.എയുടെ ആസ്തി വികസന ഫണ്ടില്‍നിന്ന്​ അനുവദിച്ച 40 ലക്ഷം രൂപയും ആശുപത്രി ഫണ്ടില്‍നിന്നുള്ള 17 ലക്ഷം രൂപയും ഉപയോഗിച്ചായിരുന്നു പ്ലാൻറ്​ നിര്‍മാണം. ലോക്ഡൗണ്‍ സമയത്ത് പ്രത്യേക അനുമതിയോടെ ഗുജറാത്തില്‍ നിന്നുമാണ് പ്ലാൻറിനായി യന്ത്രങ്ങള്‍ എത്തിച്ചത്. ജില്ലയില്‍ ഓക്സിജന്‍ പ്ലാൻറുള്ള ഏക ആശുപത്രികൂടിയാണ് തലശ്ശേരി ജനറല്‍ ആശുപത്രിയെന്ന് ആശുപത്രി സൂപ്രണ്ട് ഡോ. ആശാദേവി പറഞ്ഞു. ജില്ലയിലെ മറ്റ് സര്‍ക്കാര്‍-സ്വകാര്യ ആശുപത്രികളില്‍ പുറത്തുനിന്ന് ഓക്‌സിജന്‍ എത്തിക്കുകയാണ് ചെയ്യുന്നത്. അതിനിടെ, ജില്ല ആശുപത്രിയില്‍ 1000 എല്‍.പി.എം ശേഷിയുള്ള ഓക്‌സിജന്‍ പ്ലാൻറ്​ ആരംഭിക്കുന്നതിനുള്ള നടപടികള്‍ ആരംഭിച്ചുകഴിഞ്ഞു.