Begin typing your search above and press return to search.
exit_to_app
exit_to_app
Posted On
date_range 21 Nov 2020 11:59 PM GMT Updated On
date_range 21 Nov 2020 11:59 PM GMTമാവോവാദി ഭീഷണി; 34 ബൂത്തുകളിൽ കനത്തസുരക്ഷ
text_fieldsbookmark_border
തണ്ടര്ബോള്ട്ട് സേനയുടെ പ്രത്യേക നിരീക്ഷണം ഏര്പ്പെടുത്തും പേരാവൂർ: മലയോരത്തെ മാവോവാദി ഭീഷണിയുള്ള ബൂത്തുകളിൽ തെരഞ്ഞെടുപ്പ് ദിനത്തിൽ കനത്തസുരക്ഷയൊരുക്കും. തദ്ദേശ സ്ഥാപനങ്ങളിലേക്ക് തെരഞ്ഞെടുപ്പ് നടക്കുന്ന മലയോരത്തെ 34 ഇടങ്ങളില് മാവോവാദി ഭീഷണിയുള്ള ബൂത്തുകളുള്ളതായാണ് കണ്ടെത്തല്. ഈ ബൂത്തുകള്ക്ക് സാധാരണ സുരക്ഷക്ക് പുറമെ, സായുധ തണ്ടര്ബോള്ട്ട് സേനയുടെ പ്രത്യേക നിരീക്ഷണവും ഏര്പ്പെടുത്തും. ഇരിട്ടി പൊലീസ് സബ്ഡിവിഷനു കീഴില് പേരാവൂര് നാല്, കേളകം 10, ഇരിട്ടി നാല്, ഉളിക്കല് രണ്ട്, ആറളം നാല്, കരിക്കോട്ടക്കരി 10 എന്നിങ്ങനെയാണ് മാവോവാദി ഭീഷണി നേരിടുന്ന ബൂത്തുകള്. കഴിഞ്ഞകാലങ്ങളില് കേളകം, ആറളം, പേരാവൂർ പൊലീസ് സ്റ്റേഷന് പരിധിയിലെ വിവിധ പ്രദേശങ്ങളില് മാവോവാദി സാന്നിധ്യം റിപ്പോര്ട്ട് ചെയ്ത സാഹചര്യത്തിലാണ് കനത്തസുരക്ഷയൊരുക്കുന്നത്. മാവോവാദി ഭീഷണി നേരിടുന്ന പ്രദേശങ്ങളിലെ ബൂത്തുകളിൽ ഉന്നത പൊലീസ് അധികൃതർ സന്ദർശിച്ച് സുരക്ഷാക്രമീകരണങ്ങൾ നടത്തും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story