Begin typing your search above and press return to search.
exit_to_app
exit_to_app
Posted On
date_range 20 July 2021 11:59 PM GMT Updated On
date_range 20 July 2021 11:59 PM GMTഇരിട്ടി അഗ്നിരക്ഷാനിലയത്തിന് കരുത്തായി മൾട്ടി യൂട്ടിലിറ്റി വെഹിക്കിൾ
text_fieldsbookmark_border
ഇരിട്ടി അഗ്നിരക്ഷാനിലയത്തിന് കരുത്തായി മൾട്ടി യൂട്ടിലിറ്റി വെഹിക്കിൾ പടം: irt fire and rescue ഇരിട്ടി അഗ്നിരക്ഷാനിലയത്തിന് പുതുതായി ലഭിച്ച മൾട്ടി യൂട്ടിലിറ്റി വെഹിക്കിൾഇരിട്ടി: ഇരിട്ടി അഗ്നിരക്ഷാനിലയത്തിന് കരുത്തുപകർന്നുകൊണ്ട് മൾട്ടി യൂട്ടിലിറ്റി വെഹിക്കിൾ എത്തി. തിങ്കളാഴ്ച തിരുവനന്തപുരത്ത് നടന്ന ചടങ്ങിൽ മുഖ്യമന്ത്രി പുതിയ വാഹനങ്ങളുടെ ഫ്ലാഗ് ഓഫ് കർമം നിർവഹിച്ചു. മലയോര മേഖലയിലേക്ക് അതിവേഗം ഓടിയെത്താൻ സാധിക്കുന്നതും ഒട്ടേറെ സംവിധാനങ്ങൾ ഒരുക്കാനാകുന്നതുമായ നാലുചക്ര വാഹനമാണിത്. ജില്ലയിൽ ഇരിട്ടി, തളിപ്പറമ്പ്, പെരിങ്ങോം നിലയങ്ങൾക്കാണ് വാഹനം അനുവദിച്ചത്. ഏതു കയറ്റവും നിഷ്പ്രയാസം ഓടിക്കയറാൻ സാധിക്കുന്ന 2179 സി.സി പവറിലുള്ള ബി.എസ്-6 വിഭാഗത്തിലുള്ളതാണ് ഈ വാഹനം.റോഡിൽനിന്ന് രണ്ടടിയിലേറെ ഉയരമുള്ളതിനാൽ ഏതു തരത്തിലുള്ള ഓഫ് റോഡുകളിലും ഈ വാഹനത്തിന് ഓടാൻ സാധിക്കും. രണ്ട് കാബിനോടുകൂടിയ വാഹനത്തിൽ ഡ്രൈവർ ഉൾപ്പെടെ അഞ്ചുപേർക്ക് സുഖമായി ഇരുന്നുപോകാനും സാധിക്കും. ജലാശയ അപകടങ്ങളിൽ ഡിങ്കി ഉൾപ്പെടെയുള്ള വലിയ മെഷീനുകൾ കൊണ്ടുപോകാൻ സൗകര്യങ്ങൾ ഭാവിയിൽ ഈ വാഹനത്തിൽ ക്രമീകരിക്കാനും സാധിക്കുംവിധമാണ് മൾട്ടി യൂട്ടിലിറ്റി വെഹിക്കിൾ രൂപകൽപന ചെയ്തിരിക്കുന്നത്. മലയോരമേഖലയായ ഇരിട്ടിയുടെ വീതികുറഞ്ഞ പാതകളിലൂടെ നിഷ്പ്രയാസം ഈ വാഹനത്തിന് ഓടിയെത്താൻ സാധിക്കുമെന്നതിനാൽ ഏറെ പ്രതീക്ഷയോടെയാണ് ഈ മൾട്ടി യൂട്ടിലിറ്റി വെഹിക്കിളിനെ ഏവരും സ്വീകരിച്ചിരിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story