Begin typing your search above and press return to search.
exit_to_app
exit_to_app
Posted On
date_range 7 Jan 2021 12:01 AM GMT Updated On
date_range 7 Jan 2021 12:01 AM GMTദാഹമകറ്റിയതിനൊരു സല്യൂട്ട്; എ.ആർ ക്യാമ്പിലെ കൂറ്റൻ കുടിവെള്ള സംഭരണി പൊളിച്ചുമാറ്റുന്നു
text_fieldsbookmark_border
കണ്ണൂർ: വർഷങ്ങളോളം പൊലീസ് സേനക്ക് കുടിവെള്ളം നൽകിയ കൂറ്റൻ കുടിവെള്ള സംഭരണി പൊളിച്ചുമാറ്റുന്നു. കണ്ണൂർ എ.ആർ ക്യാമ്പ് വളപ്പിലെ സംഭരണിയാണ് പൊളിക്കാൻ തുടങ്ങിയത്. കാലപ്പഴക്കം കാരണം കുറച്ചുകാലമായി ഈ സംഭരണി ഇപ്പോൾ ഉപയോഗിക്കാറില്ല. ചോർച്ച അനുഭവപ്പെട്ടതോടെ മൂന്നുനിലയോളം ഉയരമുള്ള സംഭരണം അപകടഭീഷണിയിലുമായിരുന്നു. സെൻട്രൽ പൊലീസ് ക്യാമ്പിലേക്കുള്ള പ്രവേശനം ഇതുവഴിയായതിനാലാണ് പൊളിക്കൽ വേഗത്തിലാക്കിയത്. പി.ഡബ്ല്യ.ഡിയാണ് പ്രവൃത്തി നടത്തുന്നത്. ഒരാഴ്ചയായി കോൺക്രീറ്റ് കട്ടിങ് മെഷീൻ ഉപയോഗിച്ച് സ്ലാബുകൾ തകർത്ത ശേഷം ഇപ്പോൾ ജെ.സി.ബി ഉപയോഗിച്ച് തൂണുകൾ പൊളിക്കുകയാണ്. ഒന്നര നില ഉയരത്തിൽ മണ്ണിട്ട് ഉയർത്തി അതിന് മുകളിൽ ജെ.സി.ബി കയറ്റി സാഹസികമായാണ് പൊളിക്കൽ നടത്തുന്നത്. പത്തിലധികം വലിയ തൂണുകളുള്ള സംഭരണ റോഡിനടുത്തായതിനാൽ അപകടഭീഷണി ഒഴിവാക്കാൻ മെല്ലെയാണ് പ്രവൃത്തി പുരോഗമിക്കുന്നത്. വർഷങ്ങളായി എ.ആർ ക്യാമ്പിലും ക്രൈംബ്രാഞ്ച് ഓഫിസിലും പൊലീസ് ക്വാട്ടേഴ്സുകളിലേക്കും മറ്റ് ഓഫിസുകൾക്കും വെള്ളം നൽകിയിരുന്നത് ഈ സംഭരണിയിൽനിന്നാണ്. ആയിരങ്ങളുടെ ദാഹമകറ്റിയ സംഭരണിയാണ് ഓർമയാകുന്നത്. photo: sandeep
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story