എൽ.ഡി.എഫ് പ്രകടനത്തിലേക്ക് ബൈക്ക് കയറി; രണ്ടുേപർക്ക് പരിക്ക്

ശ്രീകണ്ഠപുരം: ഐച്ചേരിയിൽ എൽ.ഡി.എഫ് വിജയാഹ്ലാദ പ്രകടനത്തിനു നേരെ ബി.ജെ.പി പ്രവർത്തകർ ബൈക്ക് ഓടിച്ചുകയറ്റിയതായി പരാതി. രണ്ടുപേർക്ക് പരിക്ക്. ഡി.വൈ.എഫ്.ഐ കാവുമ്പായി മേഖല പ്രസിഡൻറ് എൻ.സി. രഞ്ജിത്ത്, മേഖല ജോയിൻ സെക്രട്ടറി എം. ഷിനോജ് എന്നിവരെ പരിക്കുകളോടെ തളിപ്പറമ്പി​െല ആശുപത്രിയിൽ പ്രവേശിപ്പിച്ചു. ഐച്ചേരി ടൗണിലൂടെ എൽ.ഡി.എഫ് പ്രകടനം കടന്നുപോകവേ ബുധനാഴ്ചയാണ് സംഭവം. മാപ്പിനി റോഡിൽനിന്ന് അമിതവേഗത്തിൽ ബൈക്കോടിച്ചു വന്ന ബി.ജെ.പി പ്രവർത്തകരായ ഐച്ചേരിയിലെ സജേഷ്, പി. രഞ്ജിത്ത് എന്നിവർ പ്രകടനത്തിലേക്ക് ബൈക്ക് ഓടിച്ചുകയറ്റുകയായിരുന്നുവെന്ന് കാണിച്ച് ശ്രീകണ്ഠപുരം പൊലീസിൽ പരാതി നൽകി.