തലശ്ശേരി ജില്ല കോടതി ഇന്ന് തുറക്കും

തലശ്ശേരി: ഉദ്യോഗസ്ഥർക്ക് കോവിഡ് ബാധിച്ചതിനാൽ രണ്ടാഴ്ചയായി അടച്ചിട്ട തലശ്ശേരി ജില്ല കോടതി ബുധനാഴ്ച തുറന്ന് പ്രവർത്തിക്കും. കോടതി ഹാളും ഓഫിസും അനുബന്ധ മുറികളും അണുവിമുക്തമാക്കി. സീനിയർ സൂപ്രണ്ടിനും ശിരസ്തദാർക്കും ഒരു ക്ലർക്കിനുമാണ് ആദ്യം കോവിഡ് ബാധിച്ചത്. ഇതേത്തുടർന്ന് മറ്റുള്ള സ്​റ്റാഫുകൾക്ക് അവധി നൽകി. അവധിയിലിരിക്കെ കഴിഞ്ഞ ദിവസം ന്യായാധിപന്മാർ ഉൾപ്പെടെ 85 പേർ ആൻറിജൻ പരിശോധനക്ക് വിധേയമായി. പരിശോധനയിൽ രണ്ട് ജീവനക്കാർക്കുകൂടി കോവിഡ് സ്ഥിരീകരിച്ചു. സമ്പർക്ക പട്ടികയിലുള്ള എല്ലാവരും ക്വാറൻറീനിലായതിനാലാണ് കോടതി അടച്ചിട്ടത്.