വൈദ്യുതാഘാതമേറ്റ് പരിക്ക്

പാനൂർ: ജോലിക്കിടെ വൈദ്യുതാഘാതമേറ്റ മധ്യവയസ്കന് ഗുരുതര പരിക്ക്. കഴിഞ്ഞദിവസം രാവിലെ കല്ലിക്കണ്ടി ഉതുക്കുമ്മലാണ് അപകടം. തീക്കുനി സ്വദേശി നാണുവിനാണ്​ (50) സാരമായി പൊള്ളലേറ്റത്. ഇയാളെ തലശ്ശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പാറാട് സെക്​ഷൻ പരിധിയിലെ ഒരുമ നഗറിലെ വൈദ്യുതി തൂണിൽ ലൈൻ വലിക്കുന്നതിനിടെ ഹൈടെൻഷൻ ലൈനിൽ കമ്പി തട്ടിയതാണ് അപകട കാരണം. എച്ച്.ടി ലൈൻ ഓഫ് ചെയ്യാതെയാണ് ജോലി നടത്തിയതെന്ന് പറയുന്നു. നാണു കരാർ ജോലിക്കാരനാണ്.