എസ്​.ടി.യു ധർണ

കണ്ണൂർ: കർഷക സമരത്തിന് പിന്തുണ പ്രഖ്യാപിച്ച് ഇന്ധന വില വർധന പിൻവലിക്കുക, ക്ഷേമനിധിയിൽ കോടികൾ കെട്ടിക്കിടന്നിട്ടും തൊഴിലാളികൾക്ക് കോവിഡ് സഹായം നൽകാതെ ട്രഷറിയിലേക്ക് വകമാറ്റി ചെലവഴിച്ച സംസ്ഥാന സർക്കാർ നടപടി തിരുത്തുക, കാർഷിക മേഖലയുടെ കോർപറേറ്റ്​വത്​കരണം അവസാനിപ്പിക്കുക, പാചകവാതക വില വർധന പിൻവലിക്കുക തുടങ്ങിയ ആവശ്യങ്ങളുന്നയിച്ച് മോട്ടോർ ആൻഡ്​ എൻജിനീയറിങ് വർക്കേഴ്സ് യൂനിയൻ എസ്.ടി.യു ജില്ല കമ്മിറ്റിയുടെ നേതൃത്വത്തിൽ കലക്​ടറേറ്റ് ധർണ നടത്തി. എസ്.ടി.യു ദേശീയ വൈസ് പ്രസിഡൻറ്​ എം.എ. കരീം ഉദ്​ഘാടനം ചെയ്​തു. ഫെഡറേഷൻ പ്രസിഡൻറ്​ എ.പി. ഇബ്രാഹിം അധ്യക്ഷത വഹിച്ചു. സി. ഉമ്മർ, വി.ജലീൽ, കെ. ഹരീശൻ, എം.കെ. ലത്തീഫ്, മുഹമ്മദ് സിനാൻ തുടങ്ങിയവർ സംസാരിച്ചു.