വീണ്ടുമൊരങ്കത്തിന് പാനൂരിൽ മുൻ പ്രസിഡൻറുമാർ

പെരിങ്ങത്തൂർ: പാനൂർ നഗരസഭയിൽ ആറ് മുൻ പഞ്ചായത്ത് പ്രസിഡൻറുമാർ ജനവിധി തേടുന്നു. നിടൂർ മുഹമ്മദ്, കെ. ജയപ്രകാശ്, ഷീന ഭാസ്​കരൻ (മൂവരും പെരിങ്ങളം), ശ്രീജ എടക്കണ്ടി (കരിയാട്), പെരിക്കാലി ഉസ്​മാൻ, പ്രീത അശോക് (പാനൂർ) എന്നിവരാണ് മത്സരരംഗത്തുള്ളത്. അതേസമയം പ്രഥമനഗരസഭയുടെ അധ്യക്ഷന്മാർ, ഉപാധ്യക്ഷൻ, സ്ഥിരം സമിതി അധ്യക്ഷന്മാർ എന്നിവർ മത്സര രംഗത്തില്ല. നഗരസഭാധ്യക്ഷരായിരുന്ന കെ.വി. റംല, ഇ.കെ. സുവർണ, ഉപാധ്യക്ഷൻ എം.കെ. പത്മനാഭൻ, സ്ഥിരംസമിതി അധ്യക്ഷന്മാരായ ഇ.എ. നാസർ, കെ.ടി.കെ. റിയാസ്, കെ.എം. ഷമീജ, പ്രീത തുളുവൻപറമ്പത്ത്, കെ. സുഹറ എന്നിവരാണ് മത്സരരംഗത്തില്ലാത്തത്.