അഞ്ചരക്കണ്ടിയിൽ പിടിച്ചുനിൽക്കാൻ യു.ഡി.എഫ്​

അഞ്ചരക്കണ്ടി: വികസന നേട്ടങ്ങൾ ചൂണ്ടിക്കാട്ടി ഇത്തവണത്തെ തെരഞ്ഞെടുപ്പിലും അധികാരം കിട്ടുമെന്ന പൂർണവിശ്വാസത്തിലാണ് എൽ.ഡി.എഫ്. ഭൂരിപക്ഷം വർധിപ്പിച്ചുള്ള ജയത്തിൽ കുറച്ചൊന്ന​ും ഇടതുപക്ഷം ലക്ഷ്യമിടുന്നില്ല. വർഷങ്ങളായുള്ള ഇടതി​ൻെറ ദുർഭരണം ചൂണ്ടിക്കാട്ടിയാണ്​ യു.ഡി.എഫ്​ വോട്ടുചോദിക്കുന്നത്​. എൽ.ഡി.എഫിലെ ടി.വി. സീത പ്രസിഡൻറും പി.പി. സുരേന്ദ്രൻ വൈസ് പ്രസിഡൻറുമായ ഭരണസമിതിയാണ് കഴിഞ്ഞ അഞ്ചുവർഷം നയിച്ചത്. 15 വാർഡുകളിൽ മുഴുവൻ ഇടങ്ങളിലും എൽ.ഡി.എഫ്, യു.ഡി.എഫ്​, എൽ.ഡി.എ സ്​ഥാനാർഥികൾ പോർക്കളത്തിലുണ്ട്​. കൂടാതെ മൂന്ന്​ സ്വതന്ത്രരും മത്സരരംഗത്തുണ്ട്​. എൽ.ഡി.എഫിൽ സി.പി.എം -14, സി.പി.​െഎ ഒരിടത്തുമാണ്​ ജനവിധി തേടുന്നത്​. യു.ഡി.എഫിൽ കോൺഗ്രസ്​ 14 ഇടത്തും ലീഗ്​ ഒരിടത്തുമാണ്​ മത്സരിക്കുന്നത്​. എൻ.ഡി.എയിൽ മുഴുവൻ സീറ്റിലും ബി.ജെ.പിയാണ്​ മത്സരിക്കുന്നത്​. മൂന്ന്​ സ്വതന്ത്രരുമാണ്​ മത്സരരംഗത്തുള്ളത്​. ഒറ്റനോട്ടത്തിൽ വിസ്​തീർണം -15.47ചതുരശ്ര കി.മീ ആകെ വോട്ടർമാർ -19,339 (സ്​ത്രീ -10,543, പുരു. 8.796) കക്ഷിനില ആകെ വാർഡ് -15 എൽ.ഡി.എഫ്​ -11 ( സി.പി.എം -ഒമ്പത്​, സി.പി.ഐ -ഒന്ന്​, എൻ.സി.പി- ഒന്ന്) യു.ഡി.എഫ്​ നാല്​ (കോൺ.- മൂന്ന്​, ലീഗ് - ഒന്ന്​).