സ്​കൂട്ടറും ബൈക്കും കൂട്ടിയിടിച്ച് വനിത എസ്.ഐക്ക് പരിക്ക്

മാഹി: സ്​കൂട്ടറും ബൈക്കും കൂട്ടിയിടിച്ച് സ്​കൂട്ടറിൽ യാത്ര ചെയ്യുകയായിരുന്ന വനിത എസ്.ഐക്ക് പരിക്കേറ്റു. മാഹി മുണ്ടോക്കിലെ റീന മേരി ഡേവിഡിനാണ്​ (50) പരിക്കേറ്റത്. മാഹി സബ്​ജയിലിന് പിന്നിൽ കുന്നത്ത് റോഡിലാണ് അപകടം. വലത് കൈക്കും കാലിനും പരിക്കേറ്റ എസ്.ഐക്ക് മാഹി ഗവ. ജനറൽ ആശുപത്രിയിലും വടകര സഹകരണ ആശുപത്രിയിലും ചികിത്സ നൽകി. ചൊവ്വാഴ്ച രാവിലെ ഡ്യൂട്ടി ആവശ്യത്തിനായുള്ള യാത്രക്കിടയിലാണ് അപകടം സംഭവിച്ചത്. ബൈക്കോടിച്ച മുഹമ്മദ് ഹമീദി​ൻെറ (19) പേരിൽ മാഹി പൊലീസ് കേസെടുത്തു.