Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightദൈവത്തി​െൻറ സ്വന്തം...

ദൈവത്തി​െൻറ സ്വന്തം കണ്ണൂർ

text_fields
bookmark_border
ദൈവത്തി​ൻെറ സ്വന്തം കണ്ണൂർ എട്ടുവർഷം​ മുമ്പ്​ കണ്ണൂരി​ൻെറ മണ്ണും മനസ്സും തൊട്ടറിഞ്ഞ്​ മടങ്ങിയ താരത്തിന്​ നെഞ്ചിൽ കൈവെച്ച്​ വിടനൽകി​ ആരാധകർ കണ്ണൂർ: ആവേശത്തി​ൻെറ കൊടുമുടികളായ കണ്ണൂരുകാരുടെ മനസ്സിലേക്ക്​ ചാട്ടുളിപോലെയാണ്​ മറഡോണ പാഞ്ഞുകയറിയത്​. പന്തിന്​ പിന്നാലെ പായുന്ന ആ കുറിയ മനുഷ്യൻ തങ്ങൾക്കുമുന്നിൽ ആകാശംമു​ട്ടെ വളർന്നുനിൽക്കുന്നത്​ അവരറിഞ്ഞിട്ടുണ്ട്​. എട്ടുവർഷംമുമ്പ്​ കണ്ണൂരി​ൻെറ മണ്ണും മനസ്സും തൊട്ടറിഞ്ഞ്​ മടങ്ങിയ താരം​ ഈ ലോകത്തോട്​ വിടപറയു​േമ്പാൾ സ്​നേഹത്തോടെ നെഞ്ചിൽ കൈവെച്ച്​ യാത്രയാക്കുകയാണ്​ ആരാധകർ. പതിനായിരങ്ങളുടെ ആർപ്പുവിളികളാൽ ആ സ്​നേഹം കാൽപന്തി​ൻെറ ദൈവം അറിഞ്ഞിട്ടുണ്ട്​. 2012 ഒക്​ടോബർ 24ന്​ നഗരത്തെ അക്ഷരാർഥത്തിൽ നിശ്ചലമാക്കിയാണ്​ ഫുട്​ബാൾ ഇതിഹാസം ഡീഗോ മറഡോണ ജവഹർ സ്​റ്റേഡിയത്തിലെത്തിയത്​. ചെമ്മണ്ണൂർ ജ്വല്ലറിയുടെ കണ്ണൂർ ശാഖ ഉദ്​ഘാടനം ചെയ്യാനെത്തിയതായിരുന്നു താരം. രാഷ്​ട്രീയ പാർട്ടികളുടെ സമ്മേളനങ്ങൾക്കും പ്രിയ നേതാക്കൾക്ക്​ വിടനൽകാനും ആയിരങ്ങൾ നഗരത്തിലെത്താറുണ്ടെങ്കിലും ആഹ്വാനങ്ങളില്ലാതെ ഒരു സ്വകാര്യ ചടങ്ങിന്​ പതിനായിരങ്ങൾ ഒന്നിക്കുന്നത്​ ആദ്യമായിരുന്നു. പുലർച്ചതന്നെ മൈതാനം നിറഞ്ഞിരുന്നു. ഒരുകാലത്ത്​ ടെലിവിഷനിൽ ഓരോ ഗോളുകൾക്കും അലർച്ചകൾകൊണ്ട്​ ആവേശം പകർന്നവർ മറഡോണക്ക്​ മുന്നിൽ ഒച്ചയാൽ നിശ്ശബ്​ദമായി. ഇളം നീല ഷർട്ടും ജീൻസുമിട്ട്​ വേദിയിലെത്തിയ മറഡോണ ദൈവത്തി​ൻെറ കൈയൊപ്പുപതിഞ്ഞ കൈ വീശിക്കാണിച്ചപ്പോൾ മു​െമ്പങ്ങുമില്ലാത്ത വിധം കണ്ണൂർ ഇളകിമറിഞ്ഞിരുന്നു. കടൽക്കയറി വന്ന കാറ്റിൽ അനുസരണയില്ലാതെ പാറിയ മുടിയിഴകളായും ഇരു​ൈകയിലും കെട്ടിയ വാച്ചുകളായും ശരീരത്തിലെ പച്ചകുത്തലുകളായും കണ്ണൂരി​ൻെറ കാൽപന്തുലോകം മറഡോണയെ നോക്കിയിരുന്നത്​ സ്വയം നിയന്ത്രിതമായ അച്ചടക്കത്തോടെയായിരുന്നു. ചുംബനങ്ങൾ കാറ്റിൽപറത്തിയും കൈവീശിയും മറഡോണ കണ്ണൂരിനെ അഭിവാദ്യം ചെയ്​തു. ഐ.എം. വിജയനൊപ്പം പന്തുതട്ടാനിറങ്ങിയ മറഡോണ പായിച്ച ബാള​ുകൾ കൈക്കലാക്കാൻ ജനം മത്സരിച്ചിരുന്നു. താരം കൈയൊപ്പ്​ ചാർത്തിയ ഓ​ട്ടോഗ്രാഫ്​ കണക്കെ ആ പന്തുകൾ ഇന്നും അവർ നിധിപോലെ സൂക്ഷിക്കുന്നു. കണ്ണൂർ ഡി.എസ്​.സി സൻെററിൽ ഹെലികോപ്​ടർ ഇറങ്ങി ഹോട്ടൽ ബ്ലൂനൈലിലേക്കും ജവഹർ സ്​റ്റേഡിയത്തിലേക്കുമുള്ള യാത്രയിൽ പഴുതടച്ച സുരക്ഷ നൽകിയാണ്​ നാട്​ അദ്ദേഹത്തെ വരവേറ്റത്​. ത​ൻെറ പിറന്നാളിന്​ ആറ്​ ദിവസം മുമ്പാണ്​​ മറഡോണ കണ്ണൂരിലെത്തിയത്​. പ്രത്യേകം പിറന്നാളാഘോഷവും വേദിയിൽ ഒരുക്കിയിരുന്നു. മന്ത്രി തിരുവഞ്ചൂര്‍ രാധാകൃഷ്ണനെയും എ.പി. അബ്​ദുല്ലക്കുട്ടി എം.എല്‍.എയെയും ബോബി ചെമ്മണൂരിനെയും അടക്കം പതിനായിരങ്ങളെ സാക്ഷിയാക്കി താരം പിറന്നാൾ കേക്ക്​ മുറിച്ചപ്പോൾ 'ഹാപ്പി ബർത്ത്​ഡേ ഡീഗോ' വിളികളായിരുന്നു മൈതാനം നിറയെ. ദേശീയ, സംസ്ഥാന താരങ്ങളും ഫുട്​ബാൾ പ്രേമികളും കണ്ണൂരിലേക്ക്​ ഒഴുകിയെത്തിയപ്പോൾ കേരളത്തി​ൻെറ സ്​നേഹാദരമായി ആ ചടങ്ങ്​ മാറി. വിവ ഇന്ത്യ, വിവ ഇന്ത്യ, ഐ ലവ് കേരള എന്നുപറഞ്ഞാണ്​ താരം കണ്ണൂരിനോടുള്ള ത​ൻെറ നന്ദി അറിയിച്ചത്​. കളിയും ജീവിതവും മതിയാക്കി ദൈവം മടങ്ങു​േമ്പാൾ എട്ടുവർഷം മുമ്പുള്ള ആരവങ്ങൾ കനമുള്ള മൗനമാക്കി മാറ്റി പ്രിയപ്പെട്ടവനെ മനസ്സുകൊണ്ട്​ യാത്രയാക്കുകയാണ്​ കണ്ണൂരുകാർ. സന്ദീപ്​ ഗോവിന്ദ്​ photo: ലൈബ്രറി
Show Full Article
TAGS:
Next Story