പണിമുടക്ക്​​: ഇൻഷുറൻസ്​ മേഖല അടഞ്ഞു

കണ്ണൂർ: ദേശീയ പണിമുടക്കിൽ ഒാഫിസർമാരും ജീവനക്കാരും അണിനിരന്നതോടെ ഇൻഷുറൻസ് മേഖല നിശ്ചലമായി. ജീവനക്കാർ ഒന്നടങ്കം പണിമുടക്കിയതിനെ തുടർന്ന്​ കണ്ണൂർ, കാസർകോട്​ ജില്ലകളിലെ എൽ.ഐ.സി ഓഫിസുകളുടെ പ്രവർത്തനം സ്തംഭിച്ചു. ബ്രാഞ്ച് ഓഫിസുകളും സാറ്റലൈറ്റ് ഓഫിസുകളും തുറന്നില്ല. പണിമുടക്കിയ ജീവനക്കാർ ഓഫിസുകൾക്കുമുന്നിൽ പ്രകടനം നടത്തി. കണ്ണൂരിൽ നടന്ന പ്രകടനത്തിന്​ എം.കെ. പ്രേംജിത്ത്, പി.കെ. സനിൽ, സി.സി. വിനോദ്, എം. സുധീർകുമാർ, പി.സി. രാമൻ എന്നിവർ നേതൃത്വം നൽകി. തലശ്ശേരിയിൽ പി.കെ. മോഹനൻ, കെ. സുമേഷ്, പി.പി. ദിനേശൻ, അജയകുമാർ, പി.വി. രാജീവൻ എന്നിവരും മട്ടന്നൂരിൽ സി.പി. സുധീർ, രാജൻ കളരിക്കൽ, പയ്യന്നൂരിൽ കെ.വി. വേണു, കെ. ജയരാജൻ എന്നിവരും നേതൃത്വം നൽകി.