'ഇടത്​ സ്ഥാനാർഥിയാണെന്ന പ്രചാരണം അടിസ്ഥാനരഹിതം'

ശ്രീകണ്ഠപുരം: നാടി​ൻെറ വികസനം നടപ്പാക്കാനാണ് താൻ സ്വതന്ത്രയായി മത്സരിക്കുന്നതെന്നും ഇടതു സ്ഥാനാർഥിയാണെന്ന പ്രചാരണം അടിസ്ഥാനരഹിതമാണെന്നും ശ്രീകണ്ഠപുരം നഗരസഭ 26ാം വാർഡായ ടൗൺ വാർഡ് സ്ഥാനാർഥി വി.പി. മറിയം വാർത്തസമ്മേളനത്തിൽ അറിയിച്ചു. ടൗൺ വാർഡിൽ വികസന മുരടിപ്പാണ്. ഈ അവസ്ഥ മാറണം. അത്തരം ചിന്തയിൽനിന്നാണ് സ്വതന്ത്രയായി മത്സരിക്കാനിറങ്ങിയത്. എന്നാൽ, ഇടതു സ്ഥാനാർഥിയാണെന്നാണ് ചിലർ വ്യാജ പ്രചാരണം നടത്തുന്നത്. ത​ൻെറ ചിഹ്നം അലമാരയാണ്. രാഷ്​ട്രീയത്തിനതീതമായി വോട്ടുനേടി വിജയിക്കാനാണ് സ്വതന്ത്രയായി മത്സരിക്കുന്നതെന്നും മുഴുവൻ വോട്ടർമാരുടെയും പിന്തുണ ലഭിച്ചിട്ടുണ്ടെന്നും മറിയം പറഞ്ഞു.