Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightഅശാസ്ത്രീയ...

അശാസ്ത്രീയ സൗന്ദര്യവത്കരണത്തിൽ പ്രതിഷേധം

text_fields
bookmark_border
ചൊക്ലി: ടൗൺ സൗന്ദര്യവത്കരണ ഭാഗമായി തെരുവുവിളക്കുകൾ സ്ഥാപിക്കുന്നത് അശാസ്ത്രീയമെന്ന് ആരോപണം. ഇതിനെതിരെ ചൊക്ലി കോൺഗ്രസ് കമ്മിറ്റി പ്രതിഷേധത്തിൽ. എം.എൽ.എ ഫണ്ട് ഉപയോഗിച്ചാണ് പദ്ധതി നടപ്പാക്കുന്നത്​. ആറര മീറ്റർ ഉയരത്തിലാണ് തെരുവുവിളക്ക് സ്ഥാപിക്കുന്നത്. ഇരുപതോളം എൽ.ഇ.ഡി ലൈറ്റുകൾ ഉൾക്കൊള്ളുന്ന സംവിധാനമാണിത്​. നിലവിൽ ചൊക്ലി ടൗൺ വീതി കുറഞ്ഞതിനാൽ വാഹനങ്ങളുടെ പോക്കുവരവ് സാഹസികമാണ്​. ഈ റോഡിലാണ് പുതുതായി കോൺക്രീറ്റ് പില്ലറുകൾ സ്ഥാപിച്ച് തെരുവുവിളക്കുകൾ സ്ഥാപിക്കാനൊരുങ്ങുന്നത്. ഇത് കൂടുതൽ അപകടങ്ങൾ ഉണ്ടാക്കുകയേ ഉള്ളൂ എന്നാണ് കോൺഗ്രസി​ൻെറ പരാതി. അപകടമുണ്ടാക്കാൻ സാധ്യതയുണ്ടെന്നാരോപിക്കുന്ന പില്ലറുകൾ ഒഴിവാക്കി തെരുവുവിളക്ക് സ്ഥാപിക്കാനാണ് അധികൃതരുടെ നീക്കമെന്ന് സൂചനയുണ്ട്. കോൺഗ്രസ് ചൊക്ലി മണ്ഡലം പ്രസിഡൻറ്​ എം. ഉദയൻ, ഷാജി എം. ചൊക്ലി, ആർ.വി. രഞ്ജിത്ത് എന്നിവർ സ്ഥലം സന്ദർശിച്ചു.
Show Full Article
TAGS:
Next Story