പ്രചാരണ ബോർഡുകൾ നശിപ്പിച്ചു

ന്യൂമാഹി: തദ്ദേശ സ്വയംഭരണ തെരഞ്ഞെടുപ്പിൽ ന്യൂ മാഹി പഞ്ചായത്തിലെ 10ാം വാർഡിൽ മത്സരിക്കുന്ന വെൽഫെയർ പാർട്ടി സ്ഥാനാർഥി പി.കെ.വി. സാലിഹി​ൻെറ പ്രചാരണ സാമഗ്രികൾ നശിപ്പിച്ചതിൽ യു.ഡി.എഫ് പത്താം വാർഡ് തെരഞ്ഞെടുപ്പ് കമ്മിറ്റി യോഗം പ്രതിഷേധിച്ചു. ഈച്ചി-പെരുമുണ്ടേരി ഭാഗത്ത് സ്ഥാപിച്ച ബോർഡുകളാണ് കഴിഞ്ഞ രാത്രി നശിപ്പിച്ചത്. യോഗത്തിൽ യു.ഡി.എഫ്‌ ചെയർമാൻ കെ.കെ. ബഷീർ, കൺവീനർ എൻ.കെ. പ്രേമൻ, വെൽ​െഫയർ പാർട്ടി മണ്ഡലം പ്രസിഡൻറ് എ.പി. അർഷാദ്‌, സെക്രട്ടറി റഹൂഫ്‌ എന്നിവർ സംസാരിച്ചു.