അനധികൃത ചെങ്കൽ പണയിൽ പരിശോധന

അനധികൃത ചെങ്കൽ പണയിൽ പരിശോധനപടം.. irt chenkal pana lorryലോറിയും ചെങ്കൽ ഉപകരണങ്ങളും പിടിച്ചെടുത്തു ഇരിട്ടി: അനുമതിയില്ലാതെ പ്രവർത്തിക്കുന്ന ചെങ്കൽ പണയിൽ ഉളിക്കൽ പൊലീസ് നടത്തിയ റെയ്ഡിൽ നാല്​ ലോറിയും എട്ട്​ ട്രില്ലറും പിടികൂടി. ഉളിക്കൽ സി.ഐ ആർ. ശിവശങ്കര​ൻെറ നേതൃത്വത്തിൽ വിവിധ പണകളിൽ നടത്തിയ പരിശോധനയിലാണ് ലോറിയും ചെങ്കൽ ഉപകരണങ്ങളും പിടിച്ചെടുത്തത്. ഉളിക്കൽ, നുച്ചിയാട്, കപ്പണ, കോളിത്തട്ട്, അങ്ങാടിശ്ശേരിത്തട്ട് എന്നിവിടങ്ങളിൽ അനുമതിയില്ലാതെ പ്രവർത്തിച്ച ചെങ്കൽ പണകളിൽ വിവിധ സ്ക്വാഡുകളിലായി ഒരേ സമയത്തായിരുന്നു പരിശോധന.എസ്.ഐമാരായ കെ.ടി. ജോർജ്, പി. സജീവൻ, പി.സി. വില്ലി, സിവിൽ പൊലീസ് ഓഫിസർമാരായ ടി.വി. സുജിത്ത്, ടി.കെ. ഉമേശൻ, എം. പവിത്രൻ, ഇ.വി. ബിനീഷ് എന്നിവർ പരിശോധനയിൽ പങ്കെടുത്തു.