ഉളിയിൽ മേഖലയിൽ രണ്ടിടത്ത് കോൺഗ്രസ് വിമത സ്ഥാനാർഥികൾ

ഉളിയിൽ മേഖലയിൽ രണ്ടിടത്ത് കോൺഗ്രസ് വിമത സ്ഥാനാർഥികൾ ഇരിട്ടി: ഇരിട്ടി നഗരസഭയിൽ ഉളിയിൽ മേഖലയിൽ രണ്ടിടത്ത് യു.ഡി. എഫി​ൻെറ ഔദ്യോഗിക സ്ഥാനാർഥികൾക്കെതിരെ കോൺഗ്രസി​ൻെറ വിമത സ്ഥാനാർഥികൾ പത്രിക നൽകി. 19ാം വാർഡായ ഉളിയിൽ ടൗണിൽ സി. ഇസ്മായിലും 20ാം വാർഡ് കല്ലേരിക്കലിൽ എ.കെ. സഫീനയുമാണ് റിബലായി പത്രിക നൽകിയത്. ഉളിയിൽ ലീഗ് സ്ഥാനാർഥിയായി കോമ്പിൽ അബ്​ദുൽ ഖാദറും കല്ലേരിക്കലിൽ നിലവിലെ നഗരസഭ കൗൺസിലർ കൂടിയായ ടി.കെ. ഷരീഫയും നേരത്തെ പ്രചാരണം തുടങ്ങുകയും പത്രിക നൽകുകയും ചെയ്തിരുന്നു.അതേസമയം, നഗരസഭയിൽ സ്ഥാനാർഥി പ്രഖ്യാപനം പോലും ഏകീകരിച്ച് നടത്താൻ കഴിയാത്തതും പലയിടത്തും അസംതൃപ്തർ തല പൊക്കിയതും നേതാക്കളുടെ കഴിവില്ലായ്മയാണെന്ന് ആക്ഷേപമുയർന്നിട്ടുണ്ട്.