സ്വര്‍ണവും പണവും കവർന്നു

സ്വര്‍ണവും പണവും കവർന്നുവളപട്ടണം: വളപട്ടണത്ത് വീടി​ൻെറ വാതിൽ കുത്തിത്തുറന്ന് കവർച്ച. വ്യാഴാഴ്ച പുലർച്ച മായിച്ചാൻ കുന്ന് സ്വദേശി ഷാർബ മൻസിലിൽ സൈനബയുടെ വീട്ടിലാണ് കവർച്ച നടന്നത്. വീടി​ൻെറ രണ്ടാം നിലയിലെ വാതിൽ കുത്തിത്തുറന്നാണ് മോഷ്​ടാവ് വീടിനകത്തേക്ക് കയറിയത്. വീട്ടിൽ സൂക്ഷിച്ചിരുന്ന മൂന്നു പവൻ സ്വർണവും 1.40 ലക്ഷം രൂപയും നഷ്​ടപ്പെട്ടിട്ടുണ്ട്. വ്യാഴാഴ്ച രാവിലെ വീട്ടുകാർ ഉണർന്നപ്പോഴാണ് മോഷണവിവരം അറിഞ്ഞത്. വളപട്ടണം പൊലീസ് അന്വേഷണം ആരംഭിച്ചു.