മന്ത്രിക്ക് ബി.ജെ.പിയുടെ കരിങ്കൊടി: സംഘർഷത്തിൽ രണ്ട് എ.എസ്.ഐ മാർക്ക് പരിക്ക്

ബി.ജെ.പി പ്രവർത്തകർക്കെതിരെ കേസെടുത്തു മാഹി: പുതുച്ചേരി സഹകരണ മന്ത്രി എം. കന്തസാമിയെ ബി.ജെ.പി പ്രവർത്തകർ കരിങ്കൊടി കാണിച്ചതിനെ തുടർന്നുണ്ടായ സംഘർഷത്തിൽ രണ്ട് എ.എസ്.ഐമാർക്ക് പരിക്കേറ്റു. വിമോചന ദിനാഘോഷ പരിപാടിയിൽ പങ്കെടുക്കാനെത്തിയ മന്ത്രിയ​ുടെ വാഹനം സെമിത്തേരി റോഡിൽ തടഞ്ഞ ബി.ജെ.പി പ്രവർത്തകർ കരിങ്കൊടി കാണിക്കുകയിരുന്നു. സർക്കാർ പരിപാടിയിൽ ലഫ്. ഗവർണറെയും കേന്ദ്ര സർക്കാറിനെയും വിമർശിച്ച് മന്ത്രി നടത്തിയ പ്രസംഗത്തെ തുടർന്നാണ് കരിങ്കൊടി കാണിച്ചത്. മാഹി പൊലീസ് സ്​റ്റേഷനിലെ എ.എസ്.ഐമാരായ കിഷോർ കുമാർ, സുനിൽകുമാർ എന്നിവർക്കാണ് സംഘർഷത്തിൽ പരിക്കേറ്റത്. എ. സുനിൽ, കെ.ടി.കെ. രവീന്ദ്രൻ, പി.ടി. ദേവരാജൻ, ചന്ദ്രൻ, പ്രേമൻ, മനോജ് എന്നിവരും കണ്ടാലറിയാവുന്ന കുറച്ച് ബി.ജെ.പി പ്രവർത്തകരുടെ പേരിലുമാണ് പൊലീസ് കേസെടുത്തത്.