പുതുച്ചേരി വിമോചന ദിനാചരണം

മാഹി: 67ാമത് പുതുച്ചേരി വിമോചന ദിനം മാഹിയിൽ ആഘോഷിച്ചു. മാഹി കോളജ് ഗ്രൗണ്ടിൽ പുതുച്ചേരി സഹകരണ-ക്ഷേമ മന്ത്രി എം. കന്തസാമി പതാക ഉയർത്തി, പുതുച്ചേരി വിമോചന ദിനം ആചരിച്ചു. പ്രഥമാധ്യാപിക എ. ശോഭന പതാകയുയർത്തി. ജയിംസ് സി. ജോസഫ് വിമോചന ദിന സന്ദേശം നൽകി. പള്ളൂർ ആറ്റകൂലോത്ത് അർച്ചന കലാസമിതി പുതുച്ചേരി വിമോചന ദിനം ആഘോഷിച്ചു. മികച്ച അധ്യാപകനുള്ള അവാർഡ് നേടിയ എ.സി.എച്ച്. അഷ്‌റഫ്‌ മാസ്​റ്റർ ദേശീയ പതാക ഉയർത്തി. കെ.പി. മഹമ്മൂദ് അധ്യക്ഷതവഹിച്ചു. അധ്യാപക അവാർഡ് ജേതാവ്‌ അഷറഫിനെ ആദരിച്ചു.