കൂത്തുപറമ്പിൽ എത്തുന്നവരെ വരവേൽക്കാൻ കൂറ്റൻ ചുമർചിത്രങ്ങൾ

കൂത്തുപറമ്പിൽ എത്തുന്നവരെ വരവേൽക്കാൻ കൂറ്റൻ ചുമർചിത്രങ്ങൾ Photo: KPBA_Chumar Chithram കൂത്തുപറമ്പ് ബസ്​സ്​റ്റാൻഡിൽ നടക്കുന്ന ചിത്രരചനകൂത്തുപറമ്പ്: കൂത്തി​ൻെറയും കൂടിയാട്ടത്തി​ൻെറയും നാട്ടിൽ കൂറ്റൻ ചുമർചിത്രം ഒരുങ്ങുന്നു. കൂത്തുപറമ്പ് ബസ്​സ്​റ്റാൻഡ്​ കെട്ടിടത്തിലെ ചുവരിലും തൂണുകളിലുമായാണ് പതിനായിരം അടി വലുപ്പത്തിലുള്ള വർണചിത്രം ഒരുങ്ങുന്നത്. സിനിമ പോസ്​റ്ററുകളും നോട്ടീസുകളും കൊണ്ട് വികൃതമായിരുന്ന സ്​റ്റാൻഡിൽ എത്തുന്നവരെ വരവേൽക്കുക ഇനി ചിത്രങ്ങളായിരിക്കും. കേരളീയ കലാരൂപങ്ങൾ, വാദ്യങ്ങൾ തുടങ്ങിയവ ശിൽപ കലാരൂപത്തിലാണ് ചിത്രീകരിക്കുന്നത്. ചുവരിൽ 250 അടി നീളത്തിലും 30 അടി ഉയരത്തിലും 18 തൂണുകളിലുമായാണ് ചിത്രം വരക്കുന്നത്. കൂത്തുപറമ്പ് പൊലീസാണ് ആവശ്യമായ മാർഗ നിർദേശങ്ങൾ നൽകുന്നത്. ആർട്ടിസ്​റ്റ്​ ഷൈജു കെ. മാലൂരി​ൻെറ നേതൃത്വത്തിലുള്ള കലാകാരന്മാരാണ് ചിത്രം ഒരുക്കുന്നത്. ചിത്രങ്ങൾ പൂർത്തിയാവാൻ രണ്ട് മാസത്തോളമെടുക്കുമെന്ന് ചിത്രകാരൻ ഷൈജു പറഞ്ഞു. സ്​റ്റാൻഡിലെ തിരക്കൊഴിഞ്ഞ സമയങ്ങളിലും രാത്രിയിലുമായാണ് ചിത്രരചന. പഴയ പോസ്​റ്ററുകളെല്ലാം നീക്കം ചെയ്ത് ചായം പൂശി മിനുക്കിയെടുത്താണ് ചിത്രരചനക്ക് സജ്ജമാക്കിയത്. വലിയ വെളിച്ചത്തെ ജിയോ സാൻഡാണ് ആവശ്യമായ വർണങ്ങളിലുള്ള എമെൽഷനുകളും മറ്റും നൽകുന്നത്. കൂത്തുപറമ്പ് നഗരസഭയുടെയും ജനമൈത്രി പൊലീസി​ൻെറയും വിവിധ സംഘടനകളുടെയും പൂർണ സഹകരണത്തോടെയാണ് ചിത്രരചന. സി.ഐ ബിനു മോഹൻ, എസ്.ഐമാരായ പി. ബിജു, സന്ദീപ് എന്നിവരാണ് ആവശ്യമായ നിർദേശങ്ങൾ നൽകുന്നത്.