Begin typing your search above and press return to search.
exit_to_app
exit_to_app
Posted On
date_range 28 Oct 2020 11:59 PM GMT Updated On
date_range 28 Oct 2020 11:59 PM GMTകോൺഗ്രസ് റോഡ് ഉപരോധിച്ചു
text_fieldsbookmark_border
പയ്യന്നൂർ: നിർമാണം തുടങ്ങിയ ഉടൻ റോഡ് തകർന്നു. അന്നൂർ -കാറമേൽ റോഡാണ് 10 കോടി രൂപ കിഫ്ബി പദ്ധതിയിൽ ഉൾപ്പെടുത്തി മെക്കാഡാം ടാറിങ് നടത്തിയ്. എന്നാൽ, ടാറിങ് കഴിഞ്ഞ ഉടൻ തകർന്നതായാണ് പരാതി. തുടക്കത്തിൽതന്നെ തകരാൻ കാരണം അശാസ്ത്രീയ റോഡ് നിർമാണമാണെന്ന് ചൂണ്ടിക്കാട്ടി കോൺഗ്രസ് പ്രവർത്തകർ അധികൃതർക്ക് പരാതി നൽകിയിരുന്നു. മൂരികൊവ്വൽ റാങ് ദിവ്യുന് സമീപം റോഡ് പണി പൂർണമായും തകർന്നതോടെയാണ് കോൺഗ്രസ് പ്രക്ഷോഭം ശക്തമാക്കിയത്. കോൺഗ്രസ് പ്രവർത്തകർ അന്നൂർ -കാറമേൽ റോഡ് ഉപരോധിച്ചു. പയ്യന്നൂർ മണ്ഡലം കോൺഗ്രസ് പ്രസിഡൻറ് കെ. ജയരാജ്, ബ്ലോക്ക് കോൺഗ്രസ് ജനറൽ സെക്രട്ടറിമാരായ എ. രൂപേഷ്, കെ.എം. വിജയൻ, മണ്ഡലം കോൺഗ്രസ് ജനറൽ സെക്രട്ടറി പ്രശാന്ത് കോറോം, കെ.എസ്.യു ജില്ല സെക്രട്ടറി നവനീത് നാരായണൻ, കെ.എസ്.യു ബ്ലോക്ക് പ്രസിഡൻറ് ആകാശ് ഭാസ്കരൻ, ഭരത് ഡി. പൊതുവാൾ എന്നിവർ സമരത്തിന് നേതൃത്വം നൽകി. സമരക്കാരെ പൊലീസ് അറസ്റ്റ് ചെയ്ത് നീക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story