Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightതോക്കും തിരകളും...

തോക്കും തിരകളും കണ്ടെത്തിയതിന് പിന്നാലെ പയ്യന്നൂരിൽ വ്യാജ ബോംബും

text_fields
bookmark_border
തോക്കും തിരകളും കണ്ടെത്തിയതിന് പിന്നാലെ പയ്യന്നൂരിൽ വ്യാജ ബോംബും ചൊവ്വാഴ്​ച രാവിലെ പ്രഭാത സവാരിക്കിറങ്ങിയവരാണ്​ 'ബോംബ്' കണ്ടത്​പയ്യന്നൂർ: റോഡരികിൽ ഉപേക്ഷിച്ച നിലയിൽ തോക്കും തിരകളും കണ്ടെത്തിയതിനുപിന്നാലെ പയ്യന്നൂരിൽ വ്യാജ ബോംബും. കണ്ടങ്കാളി സ്​കൂളിനടുത്ത് പടോളി റോഡരികിലാണ് കണ്ടാൽ സ്​റ്റീൽ ബോംബെന്ന് തോന്നിക്കുന്ന വസ്​തു ഉണ്ടായിരുന്നത്. ഒറ്റനോട്ടത്തിൽ തന്നെ ശ്രദ്ധയിൽപെടുന്ന വിധത്തിലാണ് റോഡരികിൽ 'ബോംബ്' ഉണ്ടായിരുന്നത്. ചൊവ്വാഴ്​ച രാവിലെ പ്രഭാത സവാരിക്കിറങ്ങിയവരുടെ ശ്രദ്ധയിൽപെട്ടതിനെ തുടർന്ന് പൊലീസിൽ അറിയിക്കുകയായിരുന്നു.എസ്.ഐ പി. ബാബുമോ​ൻെറ നേതൃത്വത്തിലെത്തിയ പൊലീസ് സംഘം അറിയിച്ചതിനെ തുടർന്ന് ബോംബ് സ്ക്വാഡും ഡോഗ്​ സ്ക്വാഡും സ്ഥലത്തെത്തി പരിശോധന നടത്തുകയും ഇവ പൊലീസ് സ്​റ്റേഷനിലേക്ക് മാറ്റുകയും ചെയ്​തു.കഴിഞ്ഞ ദിവസം അന്നൂരിൽ റോഡരികിൽ നിന്ന് നാടൻ തോക്കും തിരകളും കണ്ടെത്തിയ സംഭവത്തി​ൻെറ പശ്ചാത്തലത്തിൽ വളരെ കരുതലോടെയാണ് പൊലീസ് 'ബോംബ്' കൈകാര്യം ചെയ്​തത്. ബോംബ് സ്ക്വാഡ് എസ്.ഐ ശശിധര​ൻെറ നേതൃത്വത്തിൽ നടന്ന പരിശോധനയിലാണ്, കണ്ടാൽ പുതിയ സ്​റ്റീൽ ബോംബ് എന്ന് തോന്നിപ്പിക്കുന്ന വസ്​തുവിന് അകത്തുണ്ടായിരുന്നത് ചളിയും കല്ലുമായിരുന്നുന്നെന്ന് വ്യക്തമായത്. ജനങ്ങളെയും പൊലീസിനെയും പറ്റിക്കാൻ ഏതോ വിരുതന്മാർ ഒപ്പിച്ച വേലയാണ് വ്യാജ സ്​റ്റീൽ ബോംബെന്നാണ് കരുതുന്നതെങ്കിലും പൊലീസ് അന്വേഷണം ആരംഭിച്ചിട്ടുണ്ട്.അതേസമയം, കഴിഞ്ഞ ഞായറാഴ്​ച രാവിലെ അന്നൂരിൽ കണ്ടെത്തിയ നാടൻ തോക്കും തിരകളും സംബന്ധിച്ച അന്വേഷണം ബാലിസ്​റ്റിക്, ഫോറൻസിക് വിദഗ്ധരുടെ സഹായത്തോടെപൊലീസ്‌ ഊർജിതപ്പെടുത്തി.
Show Full Article
TAGS:
Next Story