Begin typing your search above and press return to search.
exit_to_app
exit_to_app
Posted On
date_range 16 Oct 2020 11:58 PM GMT Updated On
date_range 16 Oct 2020 11:58 PM GMTമുഖം മിനുക്കാനൊരുങ്ങി മാപ്പിളബേ
text_fieldsbookmark_border
മുഖം മിനുക്കാനൊരുങ്ങി മാപ്പിളബേ MAPPILA BAY VIKASANAM KADANNAPPALLI....മാപ്പിളബേ മത്സ്യബന്ധന തുറമുഖം അടിസ്ഥാന സൗകര്യ വികസന പ്രവൃത്തി ഉദ്ഘാടനം മന്ത്രി രാമചന്ദ്രൻ കടന്നപ്പള്ളി നിർവഹിക്കുന്നുകണ്ണൂർ: സമ്പദ്ഘടനയുടെയും മറ്റ് മേഖലകളുടെയും ശിലാബിന്ദുവാക്കി തീരദേശത്തെ മാറ്റുമെന്ന്് തുറമുഖ, പുരാവസ്തു മന്ത്രി രാമചന്ദ്രന് കടന്നപ്പള്ളി. മാപ്പിളബേ മത്സ്യബന്ധന തുറമുഖത്തിൻെറ അടിസ്ഥാന സൗകര്യ വികസന പ്രവൃത്തി ഉദ്ഘാടനം നിർവഹിക്കുകയായിരുന്നു അദ്ദേഹം. മത്സ്യത്തൊഴിലാളികളുടെയും മത്സ്യബന്ധന മേഖലയുടെയും വികസനത്തിന് സര്ക്കാര് വലിയ മുന്തൂക്കമാണ് നല്കുന്നതെന്നും തീരദേശ സംരക്ഷണവുമായി ബന്ധപ്പെട്ട് നിരവധി പ്രവൃത്തികള് പുരോഗമിക്കുകയാണെന്നും അദ്ദേഹം പറഞ്ഞു.സര്ക്കാറിൻെറ വികസന നയങ്ങളുടെ ഭാഗമായി നിരവധി പദ്ധതികള് നടന്നുവരുകയാണ്. കാസര്കോട് മുതല് വിഴിഞ്ഞം വരെയുള്ള തീരപ്രദേശങ്ങളുടെ വികസനത്തിന് വൻപ്രാധാന്യമാണ് നല്കുന്നത്. തീരദേശ റോഡുകളുടെ പ്രവൃത്തി ത്വരിതഗതിയില് പുരോഗമിക്കുകയാണ്. തീരദേശ സംരക്ഷണം രാജ്യസുരക്ഷയുമായി ബന്ധപ്പെട്ട ഘടകം കൂടിയാണ്. ജില്ലയിലെ പുരാതന മത്സ്യബന്ധന കേന്ദ്രമായ മാപ്പിളബേയുടെ അടിസ്ഥാന സൗകര്യ വികസനം പ്രാധാന്യമര്ഹിക്കുന്നതാണ്. ഹാര്ബറില് മണലടിയുന്നത് മത്സ്യബന്ധന യാനങ്ങള്ക്ക് പ്രയാസം സൃഷ്ടിക്കുന്നുണ്ട്. ഇതിന് പരിഹാരം കാണാൻ ആവശ്യമായ നടപടി സ്വീകരിക്കും. സിറ്റി റോഡ് ഇംപ്രൂവ്മൻെറ് പദ്ധതിക്കായി വലിയ തുക നീക്കിവെച്ചിട്ടുണ്ട്. വികസന പ്രവര്ത്തനങ്ങള് നടപ്പാകണമെങ്കില് ജനങ്ങളുടെ സഹകരണം അനിവാര്യമാണെന്നും മന്ത്രി കൂട്ടിച്ചേര്ത്തു.എം.എല്.എയുടെ ആസ്തി വികസന ഫണ്ടില് നിന്ന് 30 ലക്ഷം രൂപ വിനിയോഗിച്ചാണ് മാപ്പിളബേയില് അടിസ്ഥാന സൗകര്യ വികസന പ്രവൃത്തിക്ക് തുടക്കം കുറിച്ചിട്ടുള്ളത്. സ്ട്രീറ്റ് ലൈറ്റ്, ഇരിപ്പിട സൗകര്യം, നടപ്പാത സൗന്ദര്യവത്കരണം തുടങ്ങിയ പ്രവൃത്തികള് ഇതിൻെറ ഭാഗമായി നടപ്പാക്കും. ഇതിന് പുറമെ സന്ദര്ശകര്ക്കുള്ള കിയോസ്ക്, ടോയ്ലറ്റ് സൗകര്യങ്ങള്, ചെടികള് െവച്ചുപിടിപ്പിക്കല് എന്നിവയും ലക്ഷ്യമിടുന്നു.ഹാര്ബര് എൻജിനീയറിങ് ഹാളില് നടന്ന ചടങ്ങിൽ മേയര് സി. സീനത്ത് അധ്യക്ഷത വഹിച്ചു. കൗണ്സിലര് റഷീദ മഹല്, ഹാര്ബര് എൻജിനീയറിങ് സബ് ഡിവിഷന് എക്സിക്യൂട്ടിവ് എൻജിനീയര് ടി.വി. ബാലകൃഷ്ണന്, അസി. എക്സിക്യൂട്ടിവ് എൻജിനീയര് ടി.വി. സനില്കുമാര്, ഉദ്യോഗസ്ഥര് തുടങ്ങിയവര് പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story