Begin typing your search above and press return to search.
exit_to_app
exit_to_app
Posted On
date_range 14 Oct 2020 11:59 PM GMT Updated On
date_range 14 Oct 2020 11:59 PM GMTമുനിസിപ്പൽ വൊക്കേഷനൽ ഹയർസെക്കൻഡറി: ഒാപൺ സ്റ്റേജിനോട് എന്തിനീ അവഗണന...
text_fieldsbookmark_border
മുനിസിപ്പൽ വൊക്കേഷനൽ ഹയർസെക്കൻഡറി: ഒാപൺ സ്റ്റേജിനോട് എന്തിനീ അവഗണന...OPEN STAGE municipal vhss.......മുനിസിപ്പൽ വൊക്കേഷനൽ ഹയർസെക്കൻഡറി സ്കൂളിലെ ഒാപൺ സ്റ്റേജ് കണ്ണൂർ: ഇന്ത്യയുടെ രണ്ടാമത്തെ രാഷ്ട്രപതിയായിരുന്ന ഡോ. എസ്. രാധാകൃഷ്ണൻ എന്ന സർവേപള്ളി രാധാകൃഷ്ണൻ വിജ്ഞാന മേഖലയിൽ വഹിച്ച പങ്ക് മുൻനിർത്തിയാണ് ഡോ. രാധാകൃഷ്ണൻെറ ജന്മദിനം അധ്യാപകദിനമായി ആചരിക്കുന്നത്. ജീവിതത്തിലുടനീളം അധ്യാപകനായിരുന്ന അദ്ദേഹത്തിൻെറ ഒാർമ നിലനിർത്തുന്നതിനായിരുന്നു മുനിസിപ്പൽ വൊക്കേഷനൽ ഹയർസെക്കൻഡറി സ്കൂളിൽ അദ്ദേഹത്തിൻെറ പേരിൽ ഒാപൺ സ്റ്റേജ് നിർമിച്ചത്. ഹയർസെക്കൻഡറി സ്കൂൾ കവാടത്തിനോട് ചേർന്ന് നിർമിച്ച ഒാപൺ സ്റ്റേജ് ഇവിടെയെത്തുന്ന ആർക്കും ചരിത്രത്തിലേക്കുള്ള തിരനോട്ടത്തിന് പ്രേരണയായിരുന്നു. ഡോ. എസ്. രാധാകൃഷ്ണൻെറ പ്രതിമയും നിരവധി ശിൽപങ്ങളും ഇവിടെ സ്ഥാപിച്ചിരുന്നു. സുരേന്ദ്രൻ കൂക്കാനമായിരുന്നു ശിൽപി. ചെറിയ പരിപാടികൾ സംഘടിപ്പിക്കാൻ ലക്ഷ്യമിട്ടാണ് സ്കൂൾ കവാടത്തിന് സമീപത്തായി ആറ് വർഷംമുമ്പ് ഒാപൺ സ്റ്റേജ് നിർമിച്ചത്. ഏറെ പ്രാധാന്യത്താൽ സംരക്ഷിക്കപ്പെടേണ്ട ഒാപൺ സ്റ്റേജ് സ്കൂൾ വളപ്പിൽ നടക്കുന്ന നവീകരണ പ്രവൃത്തിക്കിടയിൽ നാശം നേരിടുകയാണ്. നവീകരണത്തിനായി ഇറക്കിയ സാധന സാമഗ്രികൾ സൂക്ഷിക്കാൻ സ്റ്റേജിന് മുകളിലാണ് അധികൃതർ സ്ഥലം കണ്ടെത്തിയിട്ടുള്ളത്. ഏറെക്കാലം വേറിട്ട കാഴ്ചയായിരുന്നു ഒാപൺ സ്റ്റേജ്. സജീവവുമായിരുന്നു. എന്നാൽ, സ്കൂൾ അടച്ചതും ലോക്ഡൗൺ പ്രഖ്യാപിച്ചതും സ്റ്റേജിനും ശിൽപങ്ങൾക്കും നാശത്തിൻെറ കാലമാണ് സമ്മാനിച്ചത്. സ്കൂൾ വളപ്പിൽ വലിയ തോതിലുള്ള നവീകരണ പ്രവൃത്തിയാണ് നടക്കുന്നത്. ഇത് പൂർത്തിയാകുന്നതോടെ ഒാപൺ സ്റ്റേജും ശിൽപങ്ങളും പുതുക്കി നിർമിക്കണമെന്ന ആവശ്യം ഉയരുന്നുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story