ഇൗ ഒാപൺ സ്​റ്റേജിനോട്​ ഇങ്ങനെ വേണോ അവഗണന...

ഇൗ ഒാപൺ സ്​റ്റേജിനോട്​ ഇങ്ങനെ വേണോ അവഗണന...OPEN STAGE municipal vhss.......മുനിസിപ്പൽ വൊക്കേഷനൽ ഹയർസെക്കൻഡറി സ്​കൂളിലെ ഒാപൺ സ്​റ്റേജ്​ കണ്ണൂർ: ഇന്ത്യയുടെ രണ്ടാമത്തെ രാഷ്​ട്രപതി ഡോ.എസ്‌. രാധാകൃഷ്ണ​ൻെറ ഒാർമ നിലനിർത്തുന്നതിനായിരുന്നു മുനിസിപ്പൽ വൊക്കേഷനൽ ഹയർസെക്കൻഡറി സ്​കൂളിലെ ഒാപൺ സ്​റ്റേജ്​ നിർമിച്ചത്​. ഹയർസെക്കൻഡറി സ്​കൂൾ കവാടത്തിനോടുചേർന്ന്​ നിർമിച്ച ഒാപൺ സ്​റ്റേജ്​ ഇവിടെയെത്തുന്ന ആർക്കും ചരിത്രത്തിലേക്കുള്ള തിരനോട്ടത്തിന്​ പ്രേരണയായിരുന്നു. ഡോ.എസ്​. രാധാകൃഷ്​ണ​ൻെറ പ്രതിമയും നിരവധി ശിൽപങ്ങളും ഇവിടെ സ്​ഥാപിച്ചിരുന്നു. സുരേന്ദ്രൻ കൂക്കാനമായിരുന്നു ശിൽപി. ചെറിയ പരിപാടികൾ സംഘടിപ്പിക്കാൻ ലക്ഷ്യമിട്ടാണ്​ സ്​കൂൾ കവാടത്തിന്​ സമീപത്തായി ആറ്​ വർഷംമുമ്പ്​ ഒാപൺ സ്​റ്റേജ്​ നിർമിച്ചത്​. ഒാപൺ സ്​റ്റേജ്​ സ്​കൂൾ വളപ്പിൽ നടക്കുന്ന നവീകരണ പ്രവൃത്തിക്കിടയിൽ നാശം നേരിടുകയാണ്​. നവീകരണത്തിനായി ഇറക്കിയ സാധന സാമഗ്രികൾ സ്​റ്റേജിന്​ മുകളിലാണ്​ സൂക്ഷിക്കുന്നത്​. ഏറെക്കാലം വേറിട്ട കാഴ്​ചയായിരുന്നു ഒാപൺ സ്​റ്റേജ്​. സജീവവുമായിരുന്നു. എന്നാൽ, സ്​കൂൾ അടച്ചതും ലോക്​ഡൗൺ പ്രഖ്യാപിച്ചതും സ്​റ്റേജിനും ശിൽപങ്ങൾക്കും നാശത്തി​ൻെറ കാലമാണ്​ സമ്മാനിച്ചത്​. സ്​കൂൾ വളപ്പിൽ വലിയ തോതിലുള്ള നവീകരണ പ്രവൃത്തിയാണ്​ നടക്കുന്നത്​. ഇത്​ പൂർത്തിയാകുന്നതോടെ ഒാപൺ സ്​റ്റേജും ശിൽപങ്ങളും പുതുക്കി നിർമിക്കണമെന്ന ആവശ്യം ഉയരുന്നുണ്ട്​.