Begin typing your search above and press return to search.
exit_to_app
exit_to_app
Posted On
date_range 3 Oct 2020 11:58 PM GMT Updated On
date_range 3 Oct 2020 11:58 PM GMTഅറ്റകുറ്റപ്പണിക്കിടെ ഇരുനില കെട്ടിടം തകർന്നു
text_fieldsbookmark_border
കൂത്തുപറമ്പ്: ടൗണിൽ വീണു. തൊഴിലാളികൾ ഓടിമാറിയതിനാൽ അപകടം ഒഴിവായി. ശനിയാഴ്ച രാവിലെ 11.30 ഓടെയാണ് സംഭവം. കൂത്തുപറമ്പ് ബസ്സ്റ്റാൻഡിന് സമീപം ജീപ്പ് സ്റ്റാൻഡിനു മുൻവശത്തെ നടപ്പാതയോടുചേർന്ന സ്വകാര്യ വ്യക്തിയുടെ ഇരുനില കടമുറിയാണ് തകർന്നുവീണത്. ഒരു സ്ത്രീയടക്കം അഞ്ചുപേരാണ് നിർമാണ പ്രവർത്തനങ്ങൾ ചെയ്തിരുന്നത്. കല്ലുകൾ ഇളകി വീഴുന്നതുകണ്ട് തൊഴിലാളികൾ ഓടിരക്ഷപ്പെട്ടു. ചുമരിൻെറ കല്ലും കട്ടയുമെല്ലാം നിലംപൊത്തി. നിരവധി ആളുകൾ കടന്നുപോകുന്ന വഴിയാണിത്. ആർക്കും പരിക്കില്ല. വിവരമറിഞ്ഞ് പൊലീസും ഫയർഫോഴ്സും സ്ഥലത്തെത്തിയിരുന്നു. സമീപത്തെ കടകളിൽ നിന്നും ആളുകളെ ഒഴിപ്പിച്ചിട്ടുണ്ട്. പൊലീസ് കയർ ഉപയോഗിച്ച് ഇതുവഴി കടന്നുപോകുന്നതിന് നിയന്ത്രണം ഏർപ്പെടുത്തി. അതേസമയം, നഗരസഭയുടെ അനുമതിയില്ലാതെയാണ് കെട്ടിടം അറ്റകുറ്റപ്പണി നടത്തുന്നതെന്ന ആക്ഷേപമുണ്ട്. നിർമാണ പ്രവൃത്തി പാടില്ലെന്നുകാണിച്ച് കടയുടമക്ക് നോട്ടീസ് നൽകിയിരുന്നതായി നഗരസഭാധിക്യതർ വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story