മാഹിയിൽ ഒമ്പതുപേർക്ക് കോവിഡ്

മാഹി: മാഹിയിൽ വ്യാഴാഴ്ച ഒമ്പതുപേർക്ക് കോവിഡ് സ്ഥിരീകരിച്ചു. വളവിൽ ബീച്ചിൽ ഒരാൾക്കും പന്തക്കലിൽ രണ്ടുപേർക്കും വൈദ്യസഹായത്തിനായി പള്ളൂർ സി.എച്ച്.സിയിലെത്തിയ വയനാട് സ്വദേശിക്കും കോവിഡ് സ്ഥിരീകരിച്ചു. കസ്തൂർബ ഗാന്ധി സ്കൂളിന് സമീപം സമ്പർക്കം വഴി ഒരാൾക്ക്​ പോസിറ്റിവായി. കസ്തൂർബ ഗാന്ധി സ്കൂളിനു സമീപത്തെ ഹോട്ടൽ ജീവനക്കാരനും ഇരട്ടപ്പിലാക്കൂലിൽ ഒരാൾക്കും പന്തക്കലിൽ എമിറേറ്റ്സ് പെട്രോൾ പമ്പിൽ ഒരു ജീവനക്കാരനും ഭാരത് പെട്രോൾ പമ്പിൽ ഒരാൾക്കും പരിശോധനയിൽ കോവിഡ് പോസിറ്റിവായി. മാഹിയിൽ 329 കോവിഡ് ടെസ്​റ്റുകൾ നടത്തിയിട്ടുണ്ട്. കോവിഡ് പോസിറ്റിവായി മാഹി ജനറൽ ആശുപത്രിയിലുള്ള 17 പേരുടെ പരിശോധന ഫലം നെഗറ്റിവായതിനാൽ ഡിസ്ചാർജ് ചെയ്തു.