Begin typing your search above and press return to search.
exit_to_app
exit_to_app
Posted On
date_range 30 Sep 2020 11:58 PM GMT Updated On
date_range 30 Sep 2020 11:58 PM GMTനാട്ടുകാർ ചോദിക്കുന്നു; ഇത് റോഡോ? തോടോ?
text_fieldsbookmark_border
പയ്യന്നൂർ: കുഞ്ഞിമംഗലം തെരു റോഡിൻെറ ശോച്യാവസ്ഥ നാട്ടുകാർക്ക് ദുരിതം വിതക്കുന്നു. റോഡ് പുനർനിർമാണം പൂർത്തിയാക്കാത്തത് വൻ പ്രതിഷേധത്തിനിടയാക്കുകയാണ്. പ്രശ്നപരിഹാരത്തിന് പ്രക്ഷോഭത്തിനൊരുങ്ങുകയാണ് കുഞ്ഞിമംഗലത്തുകാർ. ഏഴിലോട്-റെയിൽവേ സ്റ്റേഷൻ റോഡ് വികസന ഭാഗമായി നടത്തിവരുന്ന ടാറിങ് പ്രവൃത്തി നിർത്തിവെച്ചിട്ട് മാസങ്ങളായി. ആണ്ടാംകൊവ്വൽ മുതൽ തെരു കെ.എസ്.ഇ.ബി ഓഫിസ് വരെ റോഡ് മുഴുവൻ ഇളക്കിവെച്ച് ടാറിങ് നടത്താത്തതിനാൽ ഇതിലൂടെയുള്ള യാത്ര ഏറെ ക്ലേശകരമായിരിക്കുകയാണ്. കാൽനട പോലും അസാധ്യമായ രീതിയിൽ റോഡ് തകർന്നു. ഇരു ചക്രവാഹനങ്ങൾ അപകടത്തിൽപെടുന്നത് പതിവായതായി നാട്ടുകാർ പറയുന്നു. എത്രയും പെട്ടെന്ന് ടാറിങ് പൂർത്തീകരിച്ച് യാത്രാദുരിതത്തിന് പരിഹാരം കാണണമെന്ന് കുഞ്ഞിമംഗലം മണ്ഡലം കോൺഗ്രസ് കമ്മിറ്റി ആവശ്യപ്പെട്ടു. അല്ലാത്തപക്ഷം പ്രത്യക്ഷ സമര പരിപാടികൾ സംഘടിപ്പിക്കുമെന്ന് യോഗം മുന്നറിയിപ്പ് നൽകി. മണ്ഡലം പ്രസിഡൻറ് കെ. വിജയൻെറ അധ്യക്ഷതയിൽ ചേർന്ന യോഗത്തിൽ കെ.പി.ശശി, ടി.വി.കുമാരൻ, എം.കെ.ബാലകൃഷ്ണൻ, കെ.വി.സതീഷ് കുമാർ, എ.വി.തമ്പാൻ, കെ. മനോജ്, സുരേന്ദ്രൻ കൊവ്വപ്പുറം, കെ.ഷിജു തുടങ്ങിയവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story