കൊട്ടിയൂർ -വയനാട് ചുരം റോഡിൽ മണ്ണിടിച്ചിൽ ഭീഷണി

കേളകം: നിര്‍ത്താതെ പെയ്ത മഴയിൽ മലയോരമേഖലയിലെ പുഴകളിലെ ജലവിതാനം ഉയർന്നു. മണ്ണിടിച്ചില്‍ മൂലമുള്ള അപകടങ്ങള്‍ക്ക് സാധ്യതയുള്ളതിനാല്‍ വൈകീട്ട് ഏഴ് മുതല്‍ രാവിലെ ഏഴുവരെ മലയോര മേഖലയിലേക്കുള്ള രാത്രി ഗതാഗതം അധികൃതർ നിരോധിച്ചു. കൊട്ടിയൂർ -വയനാട് ചുരം റോഡി​ൻെറ വിവിധയിടങ്ങളിൽ നേരിയ തോതിൽ മണ്ണിടിച്ചിൽ ഉണ്ടായത് യാത്രക്കാർക്ക് ഭീഷണിയായിട്ടുണ്ട്​. പാതയിൽ യാത്രക്കാർ ജാഗ്രത പാലിക്കണമെന്ന്​ അധികൃതർ മുന്നറിയിപ്പ്​ നൽകി.