റോഡിൽ മരം കടപുഴകി; ഗതാഗതം തടസ്സപ്പെട്ടു

ഇരിട്ടി: സ്വകാര്യ വ്യക്തിയുടെ സ്ഥലത്തെ മരം കടപുഴകി ഗതാഗതം തടസ്സപ്പെട്ടു. ഇരിട്ടി-പേരാവൂർ റോഡിൽ കാക്കയങ്ങാട് ബ്രോഡ് ബീൻ ഓഡിറ്റോറിയത്തിനു സമീപത്തെ സ്വകാര്യ വ്യക്തിയുടെ പറമ്പിലെ കൂറ്റൻ മരമാണ് റോഡിലേക്കു കടപുഴകിയത്. പേരാവൂർ ഫയർഫോഴ്സ് സ്ഥലത്തെത്തി മരം മുറിച്ചുനീക്കി ഗതാഗതം പുനഃസ്ഥാപിച്ചു. ഞായറാഴ്ച ഉച്ചയോടെയുണ്ടായ ശക്തമായ കാറ്റിലായിരുന്നു മരം കടപുഴകിയത്. ഇക്കഴിഞ്ഞ ആഗസ്​റ്റ്​ ആറാം തീയതിയും ഇതിന് തൊട്ടടുത്ത് റോഡരികിലെ കൂറ്റൻ മരം കടപുഴകി അപകടമുണ്ടായിരുന്നു.