കഞ്ചാവ് സഹിതം യുവാവിനെ പിടികൂടി

കല്യാശ്ശേരി: കഞ്ചാവ് സഹിതം യുവാവിനെ പാപ്പിനിശ്ശേരി എക്സൈസ് സംഘം പിടികൂടി. കല്യാശ്ശേരി കോലത്തുവയൽ സൊസൈറ്റി റോഡിലെ കപ്പാലത്തിന് സമീപം ഐ.വി. വൈഷ്ണവാണ്​ (19) പിടിയിലായത്. പ്രതിയിൽനിന്ന്​ 25 ഗ്രാം കഞ്ചാവാണ് എക്സൈസ് സംഘം പിടിച്ചെടുത്തത്. പട്രോളിങ്ങിനിറങ്ങിയ എക്സൈസ് സംഘം കഴിഞ്ഞ ദിവസം രാത്രിയാണ് കഞ്ചാവ് പിടികൂടിയത്. എക്സൈസ് ഇൻസ്പെക്​ടർ കെ. അജീഷ്, പ്രിവൻറിവ് ഓഫിസർമാരായ സന്തോഷ് കുമാർ തൂണോളി, കെ.പി. ഷിബു, കെ. രാജീവൻ, സിവിൽ എക്സൈസ് ഓഫിസർമാരായ സി. ജിതേഷ്, വി. നിഷാദ്, പി. സജിത്ത് എന്നിവരാണ് എക്സൈസ് സംഘത്തിലുണ്ടായിരുന്നത്.