പഞ്ചായത്ത് ഓഫിസ്​ ശുചീകരിച്ചു

മാഹി: പുതുതായി വാങ്ങിയ അണുനശീകരണ യന്ത്രം ഉപയോഗിച്ച് അഴിയൂർ പഞ്ചായത്ത് ഓഫിസിൽ അണുനശീകരണം നടത്തി. നേരത്തേ ഫയർ ആൻഡ്​ റെസ്ക്യൂ വകുപ്പിനെയാണ് അണുനശീകരണത്തിന് ആശ്രയിച്ചിരുന്നത്. തിരക്ക് വർധിച്ചതോടെ സ്വകാര്യസ്​ഥാപന​ങ്ങളെയും ആശ്രയിക്കാൻ തുടങ്ങി.1,000 രൂപ മുതൽ കെട്ടിടത്തി​ൻെറ വലുപ്പത്തിനനുസരിച്ചാണ് തുക ഈടാക്കുന്നത്. ഇത് പഞ്ചായത്തിന് താങ്ങാൻ കഴിയാതെ വന്നപ്പോഴാണ് പുതിയ മെഷീൻ സ്പോൺസർഷിപ്പിലൂടെ വാങ്ങിയത്. പഞ്ചായത്ത് ഓഫിസ് അണുനശീകരണം നടത്തി മെഷീൻ ഉദ്ഘാടനം ചെയ്തു. പഞ്ചായത്ത് സ്​റ്റാഫ് സുനിൽ കുമാറും സന്നദ്ധ പ്രവർത്തകൻ റയാനും കൂടിയാണ് ശുചീകരണം നടത്തിയത്.