കോൺഗ്രസ് ഓഫിസ് തകർത്തു

എടക്കാട്: കടമ്പൂരിൽ കോൺഗ്രസ് ഓഫിസായി പ്രവർത്തിക്കുന്ന രാജീവ് ഭവൻ അടിച്ചുതകർത്തു. ജനൽ ചില്ലുകളും കസേരകളും ബോർഡുകളും ആക്രമണത്തിൽ തകർന്നു. ചൊവ്വാഴ്ച രാത്രി എ​േട്ടാടെയാണ് സംഭവം. പ്രതിഷേധ പ്രകടനവുമായെത്തിയ സി.പി.എം പ്രവർത്തകരാണ് പാർട്ടി ഓഫിസ് തകർത്തതെന്ന് കോൺഗ്രസ് നേതാക്കൾ ആരോപിച്ചു. സംഭവസ്ഥലത്ത് സംഘർഷാവസ്ഥ നിലനിൽക്കുകയാണ്. മേഖലയിൽ പൊലീസ് സാന്നിധ്യം ശക്തമാക്കി.