വ്യാപാരികളുടെ നിൽപുസമരത്തിൽ പ്രതിഷേധമിരമ്പി

ഇരിട്ടി: ഓണക്കാലമായിട്ടും കോവിഡ് വ്യാപനത്തി​ൻെറ പേരിൽ ഇരിട്ടി ടൗണിലെ കടകൾ തുറക്കാൻ അധികൃതർ നടപടി സ്വീകരിക്കാത്തതിൽ പ്രതിഷേധിച്ച്​ വ്യാപാരികൾ ടൗണിലെ കടകൾക്ക് മുന്നിൽ പ്ലക്കാർ​േഡന്തി നടത്തിയ നിൽപുസമരത്തിൽ പ്രതിഷേധമിരമ്പി. ലോക്​ഡൗണി‍ൻെറ പശ്ചാത്തലത്തിൽ ഓണത്തിനെങ്കിലും എല്ലാ കടകളും തുറക്കുമെന്ന പ്രതീക്ഷയും തകർന്നതോടെ മൊത്ത വിൽപന, പലചരക്ക്, പച്ചക്കറി കടകൾ പൂട്ടി പ്രതിഷേധിക്കാൻ വ്യാപാരികൾ രംഗത്തുവരുകയായിരുന്നു. നിൽപുസമരത്തിന് വ്യാപാരി നേതാക്കളായ അയ്യൂബ് പൊയ്​ലൻ, റെജി തോമസ്, അലി ഹാജി, സുരേഷ്, ജോസഫ് വർഗീസ് എന്നിവർ നേതൃത്വം നൽകി. പോസിറ്റിവ് കേസുകൾ ഇല്ലാത്ത ഇരിട്ടി ടൗൺ ഉൾപ്പെടെ അഞ്ച്​, 10, 11 വാർഡുകൾ കണ്ടെയ്​ൻമൻെറ്​ സോണിൽ നിന്നും ഒഴിവാക്കണമെന്നാവശ്യപ്പെട്ട് ഇരിട്ടി നഗരസഭ ചെയർമാൻ പി.പി. അശോകൻ കലക്ടർക്കു നൽകിയ നിവേദനത്തിൽ ആവശ്യപ്പെട്ടു. ഓണ സീസണിൽ വ്യാപാരികളോട് കാട്ടുന്ന ഇത്തരം നടപടികൾക്കെതിരെ പ്രതിഷേധവുമായി കോൺഗ്രസ്‌, മുസ്​ലിം ലീഗ്, ബി.ജെ.പി, വെൽഫെയർ പാർട്ടി എന്നിവ പ്രതിഷേധവുമായി രംഗത്തുവന്നിരുന്നു. പടം: IRT Vyapari ഇരിട്ടിയിൽ വ്യാപാരികൾ നടത്തിയ നിൽപുസമരം