Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightനിരക്ക്...

നിരക്ക് വർധിപ്പിച്ചിട്ടും സ്വകാര്യ ബസുകൾ കട്ടപ്പുറത്ത്

text_fields
bookmark_border
പ്രതിസന്ധിയിൽ തൊഴിലാളികളും യാത്രക്കാരും ശ്രീകണ്ഠപുരം: യാത്രാനിരക്ക് വർധിപ്പിച്ചിട്ടും ജില്ലയിലെ ഭൂരിഭാഗം സ്വകാര്യ ബസുകളും നിരത്തിലിറങ്ങിയില്ല. യാത്രക്കാർ കുറവാണെന്ന കാരണം പറഞ്ഞാണ് ഉടമകൾ സർവിസുകൾ പുനരാരംഭിക്കാൻ മടിക്കുന്നത്. ഇതോടെ യാത്രക്കാരും ബസ് ജീവനക്കാരും ദുരിതത്തിലായി. മലമടക്ക്​ ഗ്രാമങ്ങളായ പയ്യാവൂർ, ചെമ്പേരി, ഏരുവേശ്ശി, ചെമ്പന്തൊട്ടി, മലപ്പട്ടം തുടങ്ങിയ കിഴക്കൻ മലയോര മേഖലയിലെ യാത്രക്കാരാണ്​ കൂടുതൽ വലയുന്നത്. ഒന്നോ രണ്ടോ ബസുകൾ മാത്രം ഓടുന്ന കുന്നത്തൂർ, കാഞ്ഞിരക്കൊല്ലി തുടങ്ങി പല ഗ്രാമങ്ങളിലെയും ബസ് സർവിസുകൾ പുനരാരംഭിച്ചിട്ടില്ല. കൂലിത്തൊഴിലാളികളും ആശുപത്രികളിൽ പോകുന്നവരുമുൾപ്പെടെ ബസില്ലാത്തതിനാൽ പെരുവഴിയിലാകുന്ന അവസ്ഥയാണ്. ഉയർന്ന വാടക നൽകി ടാക്സികളും ഓട്ടോകളും ആശ്രയിക്കേണ്ട ഗതികേടാണ്​ ഇവർക്ക്​. ബസ്​ ജീവനക്കാരിൽ പലരും മറ്റു തൊഴിലുകളിൽ അഭയം തേടി. നാളിതുവരെ ട്രേഡ് യൂനിയൻ എന്ന നിലയിൽ പണം പിരിച്ച സംഘടനകൾ പോലും ദുരിതകാലത്ത് സഹായത്തിനെത്തിയില്ലെന്ന്​ തൊഴിലാളികൾ പറയുന്നു. ഓടുന്ന ബസുകളിൽ തന്നെ ക്ലീനർമാരെ ഒഴിവാക്കിയതുമുണ്ട്​. അതേസമയം, ഉടമകൾക്ക്​ മൂന്നുമാസത്തെ നികുതിയും ക്ഷേമനിധി വിഹിതം അടക്കുന്നതും സർക്കാർ ഒഴിവാക്കിനൽകിയിട്ടുണ്ട്. ബസ് സർവിസ് പുനരാരംഭിക്കാത്തവരുടെ പെർമിറ്റ് റദ്ദാക്കണമെന്ന ആവശ്യം ഉയർന്നിട്ടുണ്ട്. ഓണ ബോണസും ത്രിശങ്കുവിലാണ്.​ കഴിഞ്ഞ വിഷ​ുവിന്​ ഭൂരിഭാഗം തൊഴിലാളികൾക്കും ബോണസ്​ ലഭിച്ചിരുന്നില്ല. മുഴുവൻ തൊഴിലാളികൾക്കും ബോണസ്​ നൽകണമെന്ന്​​ ബസ്​ തൊഴിലാളി യൂനിയൻ (സി.ഐ.ടി.യു) തളിപ്പറമ്പ്​ ഡിവിഷൻ കമ്മിറ്റി ആവശ്യ​െപ്പട്ടു.എന്നാൽ, ഒരുവിധത്തിലും മുന്നോട്ടുപോകാനാവാത്തതിനാലാണ് ബസ് ഓടാത്തതെന്ന്​ ഉടമകൾ പറയുന്നു.
Show Full Article
TAGS:
Next Story