Begin typing your search above and press return to search.
exit_to_app
exit_to_app
Posted On
date_range 19 Aug 2020 11:58 PM GMT Updated On
date_range 19 Aug 2020 11:58 PM GMTഫാർമസിസ്റ്റിന് കോവിഡ്: വള്ളിത്തോടിൽ നിയന്ത്രണം കർശനമാക്കി
text_fieldsbookmark_border
ഇരിട്ടി: വള്ളിത്തോട് കുടുംബാരോഗ്യകേന്ദ്രം ഫാർമസിസ്റ്റിന് കോവിഡ് പോസിറ്റിവായതിനാൽ മേഖലയിൽ നിയന്ത്രണം കർശനമാക്കി. ആഗസ്റ്റ് മൂന്നിനും 11നും ഇടയിൽ ഈ ഫാർമസിയിൽ നിന്ന് മരുന്നു വാങ്ങിയവരുടെ സമ്പർക്കപ്പട്ടികയിൽ വരുന്നതിനാലാണ് നിയന്ത്രണം. ഫാർമസിയിൽ എത്തിയവരിൽ പലരും വള്ളിത്തോട്, ആനപ്പന്തിക്കവല ടൗണുകളിൽ സമ്പർക്കത്തിൽ പെട്ടതിനാൽ വള്ളിത്തോട് ടൗൺ, ആനപ്പന്തിക്കവല ബസാർ എന്നിവ ബുധനാഴ്ച മുതൽ അടക്കും. അനാദി, പച്ചക്കറി കടകളും ബേക്കറികളും എന്നിവ രാവിലെ 8 മുതൽ പകൽ ഒന്ന് വരെ നിയന്ത്രണങ്ങാേടെ തുറക്കാം. ഇറച്ചി, മീൻ മാർക്കറ്റ് എന്നിവ രാവിലെ 7 മുതൽ പകൽ 12 വരെയും മാത്രം തുറക്കാം. വള്ളിത്തോട് അക്ഷയ കേന്ദ്രം - രാവിലെ ഒമ്പത് മുതൽ വൈകിട്ട് 4 മണി വരെ തുറക്കാം. രാവിലെയും ഉച്ചക്ക് ശേഷവും ഓരോ വാർഡിലെ അപേക്ഷകർക്ക് മാത്രം ലൈഫ് തദ്ദേശ തിരഞ്ഞെടുപ്പ് കാര്യങ്ങൾക്ക് അക്ഷയകേന്ദ്രത്തിലെത്താം. പഞ്ചായത്ത് ഡിജിറ്റൽ ലൈബ്രറിയിൽ ഏർപ്പെടുത്തിയ ഹെൽപ്പ് ഡെസ്കിലും ലൈഫ്, തിരഞ്ഞടുപ്പ് ആവശ്യങ്ങൾക്ക് നിശ്ചിത വാർഡുകാർക്ക് അപേക്ഷിക്കാം. വള്ളിത്തോട് കുടുംബാരോഗ്യകേന്ദ്രം പ്രവർതനം പകൽ ഒരു മണിവരെയാക്കി. സായാഹ്ന ഒപി അടക്കാനും സേഫ്റ്റി കമ്മിറ്റി യോഗം തീരുമാനിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story